ڕاهێنەرێ دهۆكێ: دێ كار ل سەر هندەك خالان بۆ ڤەگەڕاندنا سەركەڤتنان كەین
د كۆنگرەیێ رۆژنامەڤانی دا عەبدولغەنی شەهەد ڕاهێنەرێ تیما یانەیا دهۆكێ داخوازا لێبیۆرینێ ژ پشتەڤانێن یانەیا خوە كر پشتی د یارییا گەڕا 18ێ یا خولا ستێرێن ئیراقێ دناڤ ئەرد و جەماوەرێ خوە دا دو خال ژ دەستدایی بەرانبەر مێڤانا خوە یانەیا مووسل ئەوا بێ گۆل یاری ب دووماهی هاتی.
زێدەتر ڕاهێنەرێ ناڤهاتی گۆت: بۆ سێ یارییە ئەم دەلیڤەیێن گۆلكرنێ و خالێن یاریێ ژ دەست دەین، داخواز لێبیۆرینی ژ هەموو پشتەڤانێن یانەیێ دكەین ل سەر ڤێ وەكهەڤیێ، ئەم دێ هەموو بزاڤان كەین و كار ل سەر هندەك خالان كەین ژبۆ تۆماركرنا گۆلان و ڤەگەڕاندنا سەركەڤتنان، دێ ل سەر شێوازێ خوە یێ یاریێ بەردەوامبین، ئەم گەلەك دگەهینە گۆلا هەڤڕك لێ تۆماركرنا گۆلان ناهێت، ب هیڤی مە بۆ یاریێن بهێت دێ باشتر بین.
هەژی گۆتنێ یە تیما یانەیا دهۆكب كۆمكرنا 27 خالان جهێ خوە ل ڕێزا 10ێ پاراست ژ حەفت سەركەڤتن، شەش وەكهەڤی و پێنچ خوسارەتییان، یاریزانێن وێ 19 گۆل تۆماركرینە و 14 گۆل ل سەر هاتینە تۆمار كرن، یارییا بهێت یا تیما دهۆكێ دێ ل رۆژا ئەینی ڕێكەڤتی 20ێ ڤێ مەهێ بیتە مێڤانا یانەیا ئەلغراف ل یاریگەها ناسرییە ل دەمژمێر نەهی شەڤێ.
