ڕاڤینیای خالا لاوازییا بەرشەلۆنا دیاركر
یانەیا بەرشەلۆنا د قووناغەكا هەستیار دا دەرباز دكەت، هانز فێلك ڕاهێنەرێ وێ هێشتا نەشیایە ئەو ئاستێ وەرزێ بۆری ڤەگەڕینیت بوویە ئەگەر چەندین خالان د خولا ئسپانیا و چامپیۆنزێ دا ژ دەست بدەت.
ڕاپۆرتێن ڕۆژنامەڤانی ئەگەرێن ڤێ پاشڤەچوونێ ب نە پشكدارییا ستێرێ تیمێ یێ بەرازیلی ڕاڤینیا ئەوێ تووشی هنگاڤتنێ بووی ڤەدگەڕینن، ژبەركو ئێك ژ كاریگەرترین یاریزانێن وێ بوویە تایبەت ل هێلا هێرشبرنێ دا، د حەفت یاریێن پێشتر كو فیلیك پشت بەستن ل ڕاڤینیا كربوو شەش سەركەڤتن و وەكهەڤییەك ئینابوو، تیمێ 21 گۆل تۆماركربوون و پێنچ ل سەر هاتبوونە تۆماركرن، لێ پشتی هنگاڤتنا وی د هەشت یاریێن بۆری دا، بەرشەلۆنا چار سەركەڤتن بەرانبەر وەكهەڤیەك و سێ خوسارەتی هەبووینە، 19 گۆل تۆماركرینە و 15 ل سەر بووینە، ئەڤ ئامارە ئاماژەیە كو ڕاڤینا خالا هێزێ یا بەرشەلۆنایە و ئەگەرێ ئاست و ئەنجامێن باش بوویە، بڕیارە ل حەفتییا بهێت دوبارە ڤەگەڕیتە دناڤ ڕاهێنانێن تیمێ دا.
