ڕاگەهاندنا وەرزشی یا ئیراقێ رۆلەكێ نەرینی هەیە
حاجی دوسكی
ڕاگەهاندنا وەرزشی ئێك ژ پشكەكا گرنگە ژبۆ پێشئێخستنا وەرزشێ، بێ ڕاگەهاندن وەرزشێ هیچ بهایەك نینە، جەماوەر ژی گەلەك بڤێ چەندێ گرێدایە هەر یانەك یان هەلبژارتییەكێ نیشتمانی ڕاگەهاندنەكا بهێز ل پشت هەبیت گەلەك كێماسیێن وان دێ بۆ دیاركەن شیوەیەكی ئەكادیمی تایبەت هندەك دەم هەنە دڤێت ڕاگەهاندنا وەرزشی رولێ خۆ یێ نیشتمانی بەرامبەر ئاخا وەلاتێ خۆ دیاربكەن خوە هەكە تووشی خوسارەتیەكا مەزن بیت، ڕاگەهاندنا دروست ئەو جەماوەری ب ئومێدبكەت ناهلیت ئازارین جەماوەری دژوارتربن دیاركەن كو رێكێن دی هەنە، ئەگەر ئەم دۆڤچوونا راگەهاندنا وەرزشی ل ئێراقی بكەین پشتی 2003هیچ بنەمایەكی دلسوزییا نشتیمانی تێدا نابینی بەرۆڤاژی تنێ بوویە دەرگەهەك بۆ كێمكرنا كەسایەتیا ئێكودو ل سەر كیسی وەلاتی خوە ئەڤچەندە ژی من هەستپێكریە هەر دەما هەلبژارتییێ ئیراقێ كەتیە دقۆناغەكا هەستیاردا پترییا وان كەنالێن بەرنامێن وەرزشی هەین دێ وان كەسا مێڤان كەن یێ دزانیت چ شیوە و دەم وان ئاخفتنا ئاراستە یی هەلبژراتیی خوە كەت دەمێ كەسەكی ئاكەهییا ڤان بۆچوونا بیت دێ هزركەت ئەڤ شلوڤەكارە یێ تیما بەرامبەرە شیوەیەكێ گەلەك بێرێز وان گۆتنا دبێژین، دیاردەكا دی یا هەیی ئەوژی ل دەمێ كۆنگرەیێ روژنامەڤانی یێ راهێنەری هەلبژارتی ئێراقێ كاساس روژنامەڤانێ ئیراقێ هندەك پسیارێن بێ ڕامان ئاراستەیی راهێنەری وەلاتی خۆ كرینە هەرچەندە بەرسڤ نەدایە ڤێ چەندێ كارتێكرن ل سەر دەرونێ یاریزانان گشتی كرییە، ئەز دبینم ئەڤ هەوا راگەهاندنێ یا نەدروست ژڤالاهییەكێ نەهاتیە بەروڤاژی ئەڤە كارەكێ رێكخستییە دژی سەرۆكێ فدراسیۆنا ئیراقێ عەندنان درجال هەر ژدەسپێكا كارێ وی هەموو بزاڤ دهێنە كرن كارێ وی سەرنەگریت تووشی كەفتنان بیت لێ تانوكە كارێن باش ئەنجامداینە، وی دەمێ یانەیا دهۆك سەركەفتن ل سەر یانەیا ئیتفاقا سعودی ئینای ڤان كەنالا تنێ رێكا مانشیتەكێ سەركەفتنا دهوكێ دیاركر هەرچەندە دهوك نینەرا ئێكانە ب ناڤێ ئیراقێ پشكدارە، لەوما دڤێت سنورەك هەبیت بۆ ڤێ دیاردێ، ئەو كەسێن بنە ئەگەرێ تێكدانێ دژی نشتیمانێ خۆ رێكێن یاسایی دگەل بهێنە بكارهینان دابزانن هیچ تشتەك پیروزتر نینە ژ نشتیمانی.
