ڕاگەهاندنێ ڕاگرن
رەمەزان زەکەریا
ئاشكرایە كو ڕاگەهاندن ب دەسهەلاتا چوارێ دهێتە نیاسین، پشتی یاسادانان و جێبەجێكرن و دادوەری، پێدڤیە ڕاگەهاندن ژی ل گۆر دەستهەلاتا خوە سەرەدەریێ دگەل هژمارەكا پرسان بكەت، د بۆارێ جڤاكی و خێزانی . دا.
پشتی بەفرەهبوونا تۆرێن جڤاكی پەیامێن ڕاگەهاندنێ ب ساناهیتر دگەهنە ناڤ جەماوەری ئاراستەیێن خێزانی كەفتینە بن كارتێكرنا ڕاگەهاندنێ و رێز د ناڤبەرا مەزن و زارۆكان و پیرۆزیێن خێزانی و مرۆڤایەتی نە ماینە و بووینە جهێ پرسیارێ، ئەرێ كێ بەرپرسە ژ ڤێ بێ سانسۆریا ڕاگەهاندنێ؟هژمارەكا ئەو كەسێن بهایێن خێزانی و جڤاكی ژناڤبری ئەڤرۆ ل سەر كەنال و تۆرێن جڤاكی شیرەتان ل جڤاكی دكەن، ب كەسێن زانا دهێنە ل قەلەم دان و ب دەهان كەسێن بسپۆر بینەریا كەسەكێ دكەن كو چ زانین و تێگەهشتن و ئەزموون نینە، ب تنێ ل ناڤ تۆرێن جڤاكی ب كارئینانا ئافرەتان و بابەتێن بێ مفا خەلكی بەرنیاس كریە ،ئەو ژی ب هەموو هێزا خوە كاری بۆ تێكدانا بهایێن پیرۆز یێن جڤاكی دكەن.
پێدڤیە ڕاگەهاندن مێهڤانكرنا وان ل سەر شاشەیان ڕاگرن و بۆ وێ چەندێ پەیامێن وان ب رێكا گشتی نەگەهنە دناڤ جڤاكی دا، ژبەركو ئەگەر ئەو دەستا ژ هندەك بابەتان بەردەن دێ رەوشا هەمووان باشتر بیت، جهێ كارو لڤینێن وان بهێنە سانسۆركرن رۆژانە ب كەیفا خوە ل ناڤ مالێن هەموویانە، هەموویان خۆشترین ژیان یا هەی ئاگەه ژ تێكدانا رەوشا جڤاكی ژی نینە، ئەو ب خوە جڤاكی ژناڤ دبەن و دهێن شیرەتان ژی ل جڤاكی دكەن، ئەوان چ سالۆخەتێن باش تێدا نینن، بەلێ ئەگەر ڕاگەهاندنێ گرنگی ب كەسەكێ نەزان دا سەد زانا نەشێن باوەریێ بۆ جڤاكی دروست بكەن كو ئەڤ كەسە نەزانە، ژبەركو ڕاگەهاندنێ مەزنكریە وەك رۆگەش بێی هەبوونا باگراوەندەكێ زانستی و مرۆڤایەتی و پێشكەفتنێ و دخوازین كو ڕاگەهاندن كارێن خوە ب رێكخستنەكا باشتر بكەن و كاری بۆ ئاڤاكرنا جڤاكی بكەن، نەك وێرانكرن و تێكدانا ئەوان نوكە دهێتە دیتن دوورە ژ هەر دابونەریتەكێ كوردیو مرۆڤایەتی، كو ڕاگەهاندن بەرامبەر هندەك كەسان دكەت كو ئێكانە خالا ئەو گەهاندیە ڤی ئاستی خراب بكارئینانا سۆشیال میدیایێ بوو گەهشتینە ناڤ كەنالان.
