ڕزگاربوویه‌ك: داعش ل پێش چاڤێن زارۆیێن مە کارێن خراب بەرامبەر مە ئەنجام ددان
ئه‌ڤرۆ نيوز:
ئێک ژ وان ھزارەھا ژنێن ئێزدی یێن ل کارەساتا شنگال کەڤتیە دەستێن تیرۆرستین داعش دا ب خەمەکا مەزن ڤە بۆ ئەڤرۆ دبێژیت: ئەم ل شنگالێ دناڤ خانیێ خوە دا روونشتی بووین مە ئاگەە ژ چ نەبوو، بەلکو ئەم مژوولی رێڤەبرنا ژیانا خوە یا رۆژانا بووین و مە چ زیان نە گەھاند بوونە چ کەسان ل دەڤەرێ، بەلێ ل رۆژا 3ى ته‌باخا 2014 تیرۆرستێن داعش ب سەر مە دا گرت وەکو وی سەردەمی یێ مرۆڤ د شکەڤتان دا د ژیان.
(شرین) ئەو ژنەیە دبێژیت: ب چاڤێن خوە من مرن ب ساخی دیت دناڤ دەستێن داعش دا و ھەموو نەخۆشیێن ژیانێ ب سەرێ مە ھاتن، زارۆیێن 14 سالی رۆژانە فێری چەکی و توندوتیژیێ د کرن کچ دناڤ دەستێن ھوڤانە یێن داعشێ دا زور د بێ بھا بوون، تیرۆرستێن داعشێ ژیان ل بەر مە رەشکر نزا گونەھا مە چ بوو! ئەم ل مالێن خوە بووین و ئەو وەک ھوڤا ھاتن سەر شنگالێ دا گرت.
ھەروەسا ڤێ ژنێ ئاشکرا کر کو، زارۆیێن 7 سالی ھەتا 10 سالی ژبەر داعشا نە د وێران تشتەکێ بخون و ڤەخۆن و د ترسیان د ناڤ دەستێن تیرۆرستێن داعشێ دا مەزن ببن، گەلەک جاران زارۆیان داخواز ژ تیرۆرستێن داعش دکر بۆ خوە یاریا بکەن، لێ داعشێ رێ ب زارۆیان نەدا یاریان بکەن دناڤ گرتیخانێ دا ل تەلەعفەر زارۆیان شەرێ ئیکدو دکرن وەکو تیرۆرستان ئەڤە یاریا وان بوو، ژ ھەموو تشتەکێ ئەم محروم کربووین ، ژن و کچ نەدوێریان باخڤن و گۆت: چونکی دەمێ ئەم د ئاخڤتین ئێکسەر تیرۆرستان ئەم ئەشکەنجە داین و ئێھانە مە د کر و دگوت ھوون کافرن.
شرین ل گەل 21 کەسان ژ مالباتا خوە ل 3ى ته‌باخا 2014 دھێتە رەڤاندن بۆ تەلەعفەر دھێتە ڤەگوھاستن و زێەتر دبێژت: خەلک ل پێش چاڤێن مە دکوشتن و گەنجێن ئێزدیان ل سەر دەستێن داعشێ ھاتنە کوشتن ھەر چ تشتەکێ خراب و پیس و دوور ژ مروڤایەتیێ ھەیە د دونیایێ دا تیرۆرستێن داعشێ بەرامبەر مە د کر، ئەز ھاتمە ڤەقەتاندن ژ خێزان و کەس و کارێن خوە و من ھیچ تشتەک ژ چارەنڤیسێ وان نە دزانی، ژبەرکو تیرۆرستێن داعش خووشک و برا و دایک و باب ژ ھەڤ دوور کرن.
شرینێ د بەردەوامیا ئاخفتنێن خوە دا دبێژیت: تیرۆرستێن داعش ل پێش چاڤێن زارۆیێن مە کارێن ھوڤانە و خراب بەرامبەر مە ئەنجام ددان و ئەڤێ چەندێ ئەم گەلەک ئێشاندین و ئەم نەشیاین چ بکەین و زارۆ ژی نە د شیان چ بکەن بتنێ ب دو چاڤێن بێ گونەە سەح دکرە مە، ئەم زۆر ھاتینە ئێشاندن و چ ووژدان د سەرێ وان ھوڤێن داعش دا نەبوون، ھەر کەسەکێ ل بن زولما داعشێ نەبیت و نە دیتبیت نزانیت تیرۆرستێن داعش چەند د کافر و زالم و بێ ووژدان و د پیس بوون ئەو نە مرۆڤن ھووڤن، نە جارەکێ بەلکو گەلەک جاران مە ھەولدانێن خوە کوشتنێ کرن ژبەر زولما تیرۆرستان!.
ھەروەسا گۆتژی: دەمێ ئەم ژ کەس و کار و دایک و بابێن مە دوور کرین و ئەڤ زولمە د دەرھەقا مە دا کری ژیان ل پێش چاڤێن مە رەش بوویە، ھەروەسا ژبەر زولما تیرۆرستان دەمێ ناڤێ عەرەبان دھێتە گوھێن من ئەز گەلەک دئێشم ، چونگی خیانەتا وان چ جاران ناھێتە ژبیرکرن ئەو زارۆیێن ھند سالان ب ھەژاری و نەخۆشیان مە مەزن کرین د چەند دەقیقەیان دا داعشا ھەموو برن و ژ مە دوور کرن.
