ڕۆژا جیهانی یا نەخوەشیا دلی ل زاخۆ هاتە ساخكرن
زاخۆ، دلۆڤان هالۆ:
دكتۆر نەوفەل ڕەشید، ڕاگرێ كۆلیژا نۆشداری ل زانكۆیا زاخۆ بۆ ڕۆژناما ئەڤرۆ دیاركر كو ب هەلكەفتا ڕۆژا جیهانی یا نەخوەشیا دلی، دوهی 29/9/2025، مامۆستا و قوتابیێن كۆلیژا نۆشداری ڕابوون ب ئەنجامدانا چالاكیەكێ ل ژێر ناڤێ ڕەوشەنبیركرنا خەلكی بۆ كێمكرنا نەخۆشیێن دلی و دومدرێژ ل پاركا شەهیدان د ناڤ بازارێ زاخۆ دا.
ڕاگرێ كۆلیژا نۆشداری ل زانكۆیا زاخۆ، ئاماژە ب وێ چەندێ ژی كر كو د ناڤ پاركێ دا خیڤەت هاتبوونە دانان و قوتابیێن كۆلیژێ پشكنینێن نەخوەشیا شەكرێ و دوهنییاتان و پەستانا خوینێ و كێشا لەشی بۆ خەلكی ئەنجام ددان و گۆت: «چاوانیا ئەنجام دانا قەستەرا دلی، ل سەر داتاشوویێ هاتە نیشادان و زانیاری بۆ خەلكی ب مەرەما خۆپاراستن و كێمكرنا نەخۆشیێن دلی و دومدرێژ هاتنەدان».
