ڕۆژهەلات
سالح دۆسكی
چ تاڤی نە
چ ناڤینە…؟
ڕۆژهەلاتەك
بێ هاڤینە…
وە دیارە
كو ئەڤ سالە
تێكدا خوینە…
ژ ڕۆژا هەی
دژی ڕۆژە
دویر پێنگاڤە
بێ بشكۆژە…
وە دیارە
ڕۆناهی لێ نە هاتییە
لەو هەردەم هۆ
تیڕۆژ كوژە…
ڕۆژهەلاتە
سێڤا ئادەمی لێ ڕزی
هابیل دخوینێ دا گەڤزی
برایان یوسف ڤەدزی
گەمییا نوحی لەرزی..
ڕۆژهەلاتە
ژ خۆ د خۆت و تێر نابیت
ئەژدەهاكێ هزار سەرە
سەرسەرییێ بێ چارەیە
كۆرەیێ ب هزرا روی یە
زیانبەخشە
ئەندامەكی لەوتییە
ژ جەستەیێ
جیهانا مرۆڤ.
