ڕۆژ دبۆرن
سه‌یفوللا موحه‌مه‌د
ڕۆژ دبۆرن
لێ تم ب ده‌رد و ژانه دل
برین كۆرن
بێ نۆژدار و ده‌رمانه دل
هیڤی زۆرن
لێ چ ده‌م و ده‌ورانه دل
ژ من دوورن
له‌وا وه‌كو په‌روانه دل
٭ ٭ ٭
دل په‌روانه
ل شه‌مالا شه‌ڤ یاره دل
چ چه‌روانه
دێم زوزانا بهاره دل
ما چه‌وانه
گه‌ر ئه‌ڤرۆ هند دلداره دل
په‌هله‌وانه
د عه‌شقێ ده كو هاره دل
٭ ٭ ٭
دل دلداره
ژ بۆ ته پڕ ڤیانه دل
برینداره
ئه‌و ب ژان و ئاریانه دل
كانێ چاره
نێ هه‌ر وه‌كو مریانه دل
من هه‌واره
كو بزانی بێ ژیانه دل
٭ ٭ ٭
گه‌له‌ك ڤه‌ما
تو نه‌هاتی نازدارا دل
من هێز نه‌ما
كو ڤه‌كێشت ئازارا دل
ژده‌رد و خه‌ما
نه‌ما ئێدی هه‌دارا دل
هات و ده‌ما
ل من خوه‌شكی بهارا دل
٭ ٭ ٭
