ڕێڤەبەرێ نەفت و كانزایان ل زاخۆ: نابیت وەلاتی سەرەدانا كارگەهێن پڕكرنا بوتلێن غازێ بكەن

زاخۆ، دلۆڤان هالۆ:

ئاراس هاشم، ڕێڤەبەرێ نەفت و كانزایان ل ئیدارەیا سەربخوە یا زاخۆ بۆ ڕۆژناما ئەڤرۆ دیاركر كو ژ بۆ پاراستنا ساخلەمی و گیانێ وەلاتیان، نابیت ب چو شێوەیەكی وەلاتیێن مە سەرەدانا كارگەهێن پڕكرنا بوتلێن غازێ بكەن.
ڕێڤەبەرێ نەفت و كانزایان ل ئیدارەیا سەربخوە یا زاخۆ گۆت: «ب تنێ وەلاتی دشێن ب رێكا بریكارێن خوە و ب بهایێ 9 هزار دیناران بۆتلێن خوە یێن غازێ وەربگرن».
گۆت ژی: «ڕۆژانە ب شێوەیەكێ ئاسایی و بەردەوام غاز بۆ ئیدارەیا سەربخوە یا زاخو دهێت، و ئاریشەیا نەبوونا غازێ نینە».

کۆمێنتا تە