ڕەفتارێن باش
سندس سالح سلێڤانەیی
مرۆڤ چەوا دگەل خەلكی دمەشیت و چاوا رێزێ ل یێن دی دگریت، ئەڤ چەندە ب ئاشكرایی دبیتە ئەگەرەكێ سەرەكی بۆ دانەنیسینا مرۆڤی دناڤ هەڤال و دۆستێن خۆدا.
دەمێ مە ڕەفتارەكا باش هەبیت، ئەم دێ هێلین خەلكێ مە ژی هەست ب ئارامی و رێزگرتنێ بكەن، بڤی رەنگی پەیوەندیێن مە دێ پێشڤەچن، هەروەسا ژیانا مە ژی دێ ب وێ چەندێ باشتر بیت، ڕەفتارا باش جارنا دهێتە گرێدان ب عیلم و زانینێڤە، بەلێ ب راستی ئەو پێدڤیە ژ دل و دەروونێ مە ڤە بهێت، هەكە مرۆڤ ڕەفتارا باش هەبیت، دێ بۆ وی بیتە جهێ رێزگرتنێ دناڤ جڤاكی دا، بڤی رەنگی خەلك دێ نێزیك وی كەسی بیت ب شێوەیەكێ باش و ئەڤ چەندە دێ دەرگەهێن باش بۆ ڤەكەت ل هەر جهەكی.
ڕەفتارا باش ژی دهێتە دیتن دناڤ مالێ دا، ل قوتابخانێ، ل جهێ كاری، ل بازاڕی، ل سەر رێكان، ل جهێن گشتی، هەر كەس دشێت ڕەفتارێن باش بكەت ب رێكا رێزگرتنا یێن دی، ب گۆهداریێ، ب ئالیكاریێ، ب زمانەكێ خۆش و ب سەخلەتێن دی یێن باش، مرۆڤێن ڕەفتار باش هندەك ساخلەتێن وان یێن تایبەت هەنە وەك: رێزگرتن بۆ مەزنان، دلۆڤانی برن ب زارۆكان، پاقژی، راستگۆیی، سۆز، هەروەسا ئەو ب سەبرن نەفس بچووكن، و د دلسۆزن بۆ هەموو كەسان.
ڕەفتارێن باش زۆر جاران د مالێ ڤە دهێت، لەوما دایك و باب رۆلەكێ مەزن هەیە دڤی واریدا و ئەو دبنە نموونە بۆ زارۆكێن خۆ كو دناڤ مالێن ڕەفتار باش دا دژین، دێ ب وی رەنگی مەزن بن، ب گشتی ڕەفتارا باش هێزەكا مەزنە كو دێ جیهانێ ب جهەكێ باشتر كەت، ئەگەر هەر كەسەك بشێت ڕەفتارەكا باش هەبیت، دێ ژیانا هەموویان خۆشتر بیت و دێ ب ئارامی ژین.
