ڕەڤەنـــد
ئەلند مزووری
كێ هندی من
پەیڤ بۆ عەشقا تە
دنڤیسین و دجەماندن؟
کێ هندی من
رستێن هەلبەست و هۆزانا
ب بەژنا تە یا نازک و کن…
درێسین و دڤەهاندن؟
چ پۆستەچیەک وەکی من
پەیامێن عەشقێ ژچاڤێن تە
بۆ ڤی دلی نەدگەهاندن..
کێ هندی من
بۆ ئێش و ژانێن جانێ تە
ڕۆندک درێژتن و دباراندن؟
باش دزانی !
دلێ من ژعەشقێ نە دێمە
دزانی مەست و شەیدایێ
بەژنا کێ مە،
بەلێ درێکا عەشقا تەدا
ئەڤ جان و ژی..
هەمی من دان، ونداکرن،
ژتەڤ خەون هیڤییان
کرن،
بەلێ هێشتا دبێژم کێمە.
باش بزانە..
وەکی ڕەشە شەڤێن تاری
مەودایێ وان …
گەشە ستێرکێن چاڤێن تەمە
بەلێ چبکەم..؟
ئەڤرۆکە ئەز
یێ بێ رێبار و بێ رێمە،
بەلێ دخوازم
من ژبیرنەکەی
چونکە هەردەم…
سەر وێ سۆز و پەیمانێ مە
ڕەڤەند و کاروانی یێ
ئەوێ ڕێکێ مە.
