ژاپۆنێ خـوینا جـۆکـەر چێکـر
ڤەکۆلەرێن زانکۆیا پزیشکیی نارا ل ژاپۆنێ خوینا دەستکرد دروست دکەن کو بۆ هەموو جۆرێن گرووپێن خوینێ یا گونجای بیت و دشیاندایە بدەنە هەموو گرووپەکی ئانکو گرووپەکێ خوینا جۆکەرە.
تیمەکی ژ ڤەکۆلەرێن ژاپۆنی ب سەرۆکایەتییا پڕۆفیسۆر د. هیرۆمی ساکای ل زانکۆیا پزیشکییا نارا، جۆرەکێ نوی یێ خوینا دەستکرد پەرەپێدایە کو دشێن بۆ نەخۆشێن هەموو جۆرێن خوینێ بهێتە ب کارئینان، ب ڤی ئەگەری ل دەمێ ب کارئینانێ پێدڤی ب پشکنینێ ناکەت.
ئەڤ خوینا دەستکرد ب رێکا دەرئینانا هیمۆگلۆبینی د خوینا بەخشی دا دهێتە دروستکرن، پاش هیمۆگلۆبینی دئێخنە دناڤ کەڤەرەکێ پارێزراو بۆ دروستکرنا خڕۆکێن سوورێن دەستکرد یێن خوینێ.
پرۆفیسۆر د. هیرۆمی ساکای، سەرپەرشتیارێ ڤەکۆلینێ ل زانکۆیا پزیشکییا نارا دبێژیت: ئەڤ خوینا دەستکرد دشێت هەتا دو سالان ل پلەیا گەرمییا ژووردا و پێنج سالان دناڤ سەلاجێ دا بهێتە هەلگرتن. بەلێ خڕۆکێن سوورێن خوێنیا بەخشراو یا کەسەکی، ب تنێ بۆ ماوەی 42 رۆژان ل ناڤ سەلاجێ دا دهێنە هەلگرتن.
