ژبلی دهۆك سپۆرت هزر د چو كەنالێن دی دا ناكەم
هەرهین محەمەد:
شۆڕەش سەلاح، پێشكێشكار ل دهۆك سپۆرت، د دیدارەكێ دا بۆ رۆژناما ئەڤرۆ دبێژیت: نوكە ل دهۆك سپۆرت وەكو پێشكێشكارو كۆمێنتار كاردكەم و ڤەكرنا ڤی كەنالی پێنگاڤە كا گرنگ بوو ژبۆ پێشخستنا بۆارێ وەرزشی و ئەز هزر دچو كەنالێن دی ناكەم.
هەروەسا گۆت: دژیەكێ بچووكدا من حەزەكا تایبەت بۆ وەرزشێ هەبوو، لەورا ئەو چەندە بۆ ئەگەر راگەهاندنا وەرزشێ ب هەلبژێرم و بەری نوكە ژی یاریزانێ چەند یاریان بووم دئاستێ لاوان و دیارێن جودا دا، هەروەسان كۆمێنتار بووم ل چەند كەنالێن كوردی و عەرەبی و پشتی ژیێ بیست سالیێ و كاركرن د راگەهاندنێ دا و دهەمان دەم دا راگەهاندكارەكێ ئەكادیمی مە و ئەڤ تشتە هەموو بوونە ئەگەر راگەهاندنا وەرزشی بیتە كارو پیشەیێ من یێ سەرەكی و ل دهۆك سپۆرت نوكە ل شەڤێن رەمەزانا پیرۆز بەرنامێ گول پێشكێش دكەم و هندی بشێن بشێوەكێ مەیدانی دێ خزمەتا خەلكێ خوە كەین.
