ژبه‌ر نه‌بوونا سپۆنسه‌ران نه‌شێت كاربكه‌ت
ئاكرێ، ره‌مه‌زان زه‌كه‌ریا:
سترانبێژ (راید باله‌كی) د دیداره‌كێ دا بۆ رۆژناما ئه‌ڤرۆ گۆت: ئه‌ڤه چه‌ند سالن من هژماره‌كا سترانێن سیاسی و شۆڕیشگێری و ئه‌ڤینی ژبۆ تۆماركرنێ به‌رهه‌ڤ كرینه، لێ ژبه‌ر نه‌بوونا سپۆنسه‌ران نه‌شێم تۆماربكه‌م و نوكه دچمه ده‌واتا بۆ په‌یداكرنا داهاته‌كێ بۆ ب رێڤه‌برنا ژیانا خوه.
رایدی گۆت: ده‌مێ پشته‌ڤانیا سترانبێژان نه‌هێته كرن بۆ چێكرنا به‌رهه‌مان سترانبێژ نه‌شێت به‌رهه‌مه‌كێ باش ل سه‌ر ئه‌ركێ خوه چێكه‌ت، چنكو گه‌له‌ك پاره بۆ دڤێن، بۆ زانین ده‌مه‌كێ درێژه من ل به‌ره كلیپه‌كێ چێكه‌م، به‌لێ ژبه‌ر نه‌بوونا سپۆنسه‌ران ئه‌ز نه‌شیایمه و چوونا ده‌واتان ب به‌رده‌وامی ده‌نگێ سترانبێژی تێك دده‌ت، به‌لێ ژ نه‌چاری یه.
