ژبه‌ر نڤێژكرنێ 190 كرێكار ژكار هاتنه دوورخستن
ئه‌ڤرۆ نیوز: ڤه‌ده‌ر ره‌شاڤایی:
پشتی كرێكارێن بوسرمان ل كۆمپانیا (فۆرت مۆركان) ل ویلایه‌تا كۆلۆرادۆ یا ئه‌مریكی خوه‌نیشاندان كری لدژی قه‌ده‌غه‌كرنا نڤێژان ژ ئالیێ كۆمپانیێ ڤه، كۆمپانیێ 190 كرێكارێن نڤێژكه‌ر ژ كار دوورخستن.
هنده‌ك ژ ڤان كرێكاران بۆ ده‌مێ 10 سالانه بۆ وێ كۆمپانیێ كاردكه‌ن، به‌ری نۆكه 15 خۆله‌ك پێ دهاتنه دان د ژۆره‌كا تایبه‌ت ڤه نڤێژێن خوه د كاری دا بكه‌ن، لێ د داوی بریار دا كۆمپانیێ نڤێژ قه‌ده‌غه‌كرن، كرێكارێن بوسرمان ژی خاست كو قه‌ده‌غه‌كرن بهێته راكرن ، لدووڤ گۆتنا وان بێ نڤێژكرن چ به‌ره‌كه‌ت د كارێ وان دا نابیت، لێ داخازا وان هاتنه ره‌تكرن و ژ كار هاتنه دووركرن.
