ژبه‌ر ڤیانا من بۆ وه‌رزشێ به‌ر ب كارێ كۆمێنتاریێ چوویمه
ئازاد عزه‌ت:
د دیداره‌كێ دا كۆمێنتارێ وه‌رزشی و رۆژنامه‌ڤان محه‌مه‌د شێركۆ حسێن بۆ رۆژنامه‌یا ئه‌ڤرۆ دیار كر هه‌ر ژ زارۆكینییا خوه حه‌ز و ڤیانا بۆ وه‌رزشێ و كارێ كۆمێنتاریێ هه‌بوویه و ئه‌ڤچه‌نده بوو ئه‌گه‌ر د نوكه دا بگه‌هیته هنده‌ك هیڤیێن خوه.
زێده‌تر ناڤهاتی گۆت: ژ زارۆکینێ بۆ من حەز و ڤیانا کارێ ڕۆژنامەڤانیێ و کۆمێنتاریێ دروستبوویه، هێدی هێدی نێزیکی کارێ ڕۆژنامەڤانیێ بووم، ئێكه‌م پێنگاڤا من ل کەناڵێ HD Democracy ببوو كو پێنگاڤا ئێكێ ژی بوو دەست ب کارێ کۆمێنتاریێ بكه‌م و بیته ئێكه‌م ده‌زگه‌هـ بگەهمە هیڤییا خوه یا کۆمێنتاریێ، هندی د ژیانێ دابم خزمەتا وەرزشڤانێن کوردستانێ بکەم.
هه‌روه‌سان محه‌مه‌د شێركۆیی گۆت: دەستپێکا من ل سالا 2017ێ بوو بینه‌رێن شاشه‌یا تیڤیان زێدەتر هاندام بەردەوامبم ل سەر ڤی كاری و پشتگیریا من کرن وزیره‌كیێ ژی ئەز هاندام، ژبه‌ركو من ڤیانەکا زێدە بۆ وەرزشی هەیە، له‌وما بەر ب کارێ کومێنتاریێ ژی چووم، پێنه‌ڤێت ڤەگۆهاستنا یاریێن خولا ئۆرۆپا تامەکا تایبەت بۆ من هەیە، دخازم خولا کوردستانێ و ئیراقێ ژی بەر ب پێشڤەبچن.
ژلایه‌كێ دووڤه ناڤهاتی گۆت: بەردەوام حەزدکەم یاریێن خۆلا کوردستانێ ڤەگوهێزم و ئەگەر یانەیەکێ هەلبێژێرم ل خولا کوردستانێ دێ یانەیا هەولێر بیتن وحه‌ز ژ یانەیا بەرشەلونا ژی دكه‌م چونکی هەردو یانە بۆ من د تایبەتن، پێشبینی دکەم چوارقورنە یان ئاکرێ ناسناڤێ خولا کوردستانێ ده‌ستڤه‌بینت، د نوكه دا بەردەوامم ل سەر کارێ کۆمێنتاریێ ل هەردو کەناڵێن کوردی Rudaw و Rozh HD دکەم و پێشتر ن کۆمێنتاری ل کەناڵێن( HEIV HD و (Democracy HD لوکاڵینە. وKurdistan tv. کرییە.
