ژبەر شیانێن وی دادڤانەكێ پارێزگەهێ زێدەتری 30 یاریێن نێڤدەولەتی ب ڕێڤەبرن
كوڕێ باژێرێ دهۆكێ و دادڤانێ نێڤدەولەتی زێرەڤان سالح فەقی بۆ یارییا كیك بۆكسینگێ بوویە جهێ سەرنجراكێشا سەرپەرشت و پشكدارێن قارەمانییاجیهانێ یا ڤەكری بۆ یارییا كیكبۆكسینگێ، ئەوا ژلایێ فیدراسیۆنا نێڤدەولەتی یا كیكبۆكسیگێ WAKO سالانە ل باژێرێ ئستەنبۆل یا توركیا هاتیە رێكخستن، پشتی شیایی یاریێن ب هێز باشترین شێوە ب ڕێڤە ببەت.
ل دۆر ڤێ یەكێ سالح كەكو راهێنەرێ هەلبژارتیێ ئیراقێ و پارێزگەها دهۆكێ بۆ رۆژنامەیا ئەڤرۆ گۆت: دادڤانێ باژێرێ مە زێرەڤان سالح شیا ببیتە ئێك ژ دادڤانێن سەرنجراكێش د قارەمانییا نێڤدەولەتی دا ئەوا دوهی هەڤڕكیێن وێ ل وەلاتێ توركیا ب دووماهی هاتین و پلەیا باش ب دەستخوەڤە ئینا، ژبەركو ئەڤە پشكدارییا وی یا ئێكێ یە و ژلایێ فیدراسیۆنا كیك بۆكسینگا ئیراقێ بۆ قارەمانیێ هاتبوو دەستنیشانكرن ل سەر داخوازا فیدراسیۆنا نێڤدەولەتی واكو كو ئێك ژ باشترین دادڤانێن ئیراقێ پشكداری قارەمانیێ بكەن.
هەروەسان ناڤهاتی گۆت: بەری پشكداریێ د قارەمانیێ دا بكەت مە پێشبینی دكر دێ چەند یارییەكا ب ڕێڤە بەت لێ ژبەر ئاست و شارەزاهیێ شیا زێدەتری 30 یارییان ب ڕێڤە ببەت و بوو جهێ سەرنجراكێشا پشكداران و باوەرییا سەرپەرشتێن قارەمانیێ، ئەڤچەندە ئەم و فیدراسیۆنا ئیراقێ یا یارییا كاراتێ زوور دلخوەشكرین، پێنەڤێت ئەڤ پێنگاڤە دێ ڕێكخوەشكەر بیت بۆ دادڤانێ كورد پشكداری د قارەمانیێن مەزنتر دا بكەت و دوور نینە بۆ یێن ئاسیایی و جیهانی ژی بهێتە ژێگرتن.