ژبەر کۆرۆنا یێ هەیڤانە ب گۆژمێ 100 ملیار دۆلاران زیان دگەهیتە ئیتالیا
ئەڤرۆ نیوز:
ئێكەتیا پیشەسازی یا ئیتالیا ئاشكرا كریە، کو ژ ئەگەرێ راگرتنا كەرتێن بەرهەم ئینانێ، ژ ئەگەرێ بەلڤبوونا ڤایرۆسێ كۆرۆنا یێ، هەیڤانە ب بهایێ 100 ملیار دۆلاران زیان دگەهنە ئابوورێ ئیتالیا.
فینسینزو بوكیا، سەرۆكێ ئێكەتی یا پیشەسازیا ئیتالیا دیار کریە: پشتی راگرتنا كەرت و سەكتەرێن بەرهەم ئینانێ، ئابوورێ ئیتالیا ژ ئابوورەكێ تەنگاڤیان بوویە ئابوورێ سەربازی، هەروەسا هەموو داهاتێ سالانە یێ ئابوورێ ئیتالیا دگەهیتە 1800 ملیار یۆرۆیان، دوپاتكریە كو ژ ئەگەرێ بەڵاڤبوونا كۆرۆنا یێ 70% ژ چالاكیێن بەرهەم ئینانێ راوەستاینە، كو هەیڤانە دبیتە بهایێ 100 ملیار دۆلاران.
ئەڤە د دەمەكێدایە كو حوکمەتا ئیتالیا بریار دا سەرجەم چالاكیێن بەرهەم ئینانێ ل ئیتالیا بهێنە راگرتن، ژ بلی كارێن ستراتیژی و گرنگ.
