ژبەر گرانبوونا بهایێ ڤیزا توركیا و دۆلاری ئەڤ سالە كێمترین گەشتیار چوونە دەرڤەی وەلاتی
هەرهین محەمەد:
خودانێ كومپانییەكا گەشتوگوزارێ ددەتە دیاركرن كو ئەڤ سالە كێمترین رێژا گەشتیاران چوویە دەرڤەی وەلاتی و دشێن بێژین 70% كێمبوویە و د هەمان دەم دا هەموو خودانێن نڤیسینگەه و كومپانیێن گەشت و گوزاری د خوسارەتن و ئەگەرێ ڤێ چەندێ ژی، ژبەر گرانبوونا بهایێ دولاری و ڤیزا وەلاتێ توركیا و گۆت: هەكە كەسەكی دڤێت هندەك گەشتیاران ژ مووسل بینیت دێ ل پاسەكێ سیاركەت و ئینیت و چو زالگەه نابێژنێ هوون ژلایێ كیژ كومپانیێ و نە رێڤەبەریا گەشتوگوزاری دبێژنی كا كیژ رێبەرێ كورد یێ گەشتوگوزاری ل گەل تەیە، لەورا ژبەر ڤێ چەندێ ئەز ژ رێڤەبەریا گەشتوگوزار نەیێ رازی مە.
كامان بەرواری، خودانێ نڤیسینگەها دیلوكس یا فرۆكەڤانی و گەشتوگوزارێ د دیدارەكێدا بۆ رۆژناما ئەڤرۆ گۆت: مە كۆنترول ل سەر هاتنا گەشتیاران نینە بۆ هەرێما كوردستانێ، ب تایبەت باژێرێ دهۆكێ ئەم نابینە لایەنێ وەرگرتن و دووڤچوونا گێراندنا گەشتیاران، ئەو ب خوە دهێن و هەتا نوكە مە چو سیستەمێن دروست نینن گەشتیاران نەچاركەین ب تنێ رێیا كومپانیەكێ بیت، نوكە ئەو سەربەخو دهێن و جوداهیا ئەڤ سالە ل گەل سالا بوری دهاتنا گەشتیاران دا باشتر بوویە و گەشتیار ژ هەموو باژێرێن عیراقێ دهێن، بەلێ بەهراپتر ل موسل و بەغدا و كەركوكێ دهێن.
زێدەتر ئاشكرا كر، جوداهیا مەزن ئەوە ئەڤ سالە كێمترین رێژا گەشتیاران چوویە دەرڤەی وەلاتی و دشێن بێژین 70% كێمبوویە و ئەگەر ژی د دیارن، گرانبوونا دولاری و گیروبوونا موچەیانە و ڤیزەیا توركی و دیسان گرانبوونا لیرێ توركی و تشتێ وان. ل سالا بوری نێزیكی 700 كەسان من د جەژنێ دا برنە توركیا و ئەڤ سالە نەبوونە 100 كەس، ژ بەر ڤێ یەكێ من گوه لێ نەبوویە چو نڤیسینگەه هاتبنە گرتن ژبەر نەبوونا كاری و ئەم نەوەكو دوكانێن نورمالین و دڤێت ئەم تەحەمولێ بكەین، بەلێ نڤیسینگەه هەبووینە زیانێن مەزن ڤێكەفتینە.
خویاژی كر، بۆ نموونە بۆ جەژنێ سێ سەد كورسی كرینە بۆ ستەمبولێ و ئەنتالیا و ژ وان سێ سەدان سەد ژی نەفرۆتینە و ب ڤی رەنگی هەر خودان كومپانیەك ب پێنچ شەش دەفتەران یێ خوسارەت بووی، كورسیا ئەنتالییا هندەك كومپانیان بەلاڤكربوو بەلاشە، چونكو مالە ل سەر وی و هندەكان ژی ب نیڤ بهای كورسی دفروت، بهایەكێ بێ سەرو بەرو ئەڤ سالە چ خودان كومپانیێن گەشتیاری قازانچ نەكریە و هەموو دخوسارەتن و دبینم كاودان دێ خراپتر لێ هێن و دەنگ دان ژی نێزیك بوویە و دولار و ڤیزە و پارێ توركی ژی گرانە و ئەو ئیزعاجا دهێتەكرن ل فرۆكخانەیا و ل سنوران باوەرناكەم بەرب باشتر بچیت ئەڤ سالە.
ناڤهاتی گۆت ژی: د دەمەكی دا مە خول ڤە دكرن بۆ وان گەنجان یێن كو حەزدكەن فێری كارێ كومپانی و نڤیسینگەهێن گەشتو گوزاری ببن و ل هەر سێ تایێن مە هەتا نێزیكی 15 دەلیڤێن كاری یێن هەین و گەنجێن دهۆكێ ل دەڤ مە كاردكەن و ئاریشا ژ هەموویان مەزنتر ئەوە ئەم نەشێین كاربكەین و گەشتییاران بینینە دناڤا هەرێما كوردستانێ دا و ب تنێ ئەم دشێین ب دەربێخین، بۆچی ئەم نەشێین چونكو مە چ سەپۆرت نینن، نە ژلایێ رێڤەبەریێ ڤە و نە ژلایێ لایەنێن ئەمنی ڤە.
بۆ نموونە هەكە كەسەكی دڤێت هندەك گەشتیاران ژ مووسل بینیت دێ ل پاسەكێ سیاركەت و ئینیت و چو زالگەه نابێژنێ هوون ژلایێ كیژ كومپانیێ و نە رێڤەبەریا گەشتوگوزاری دبێژنی كا كیژ رێبەرێ كورد یێ گەشتوگوزاری ل گەل تەیە، لەورا ژبەر ڤێ چەندێ ئەز ژ رێڤەبەریا گەشتوگوزار نەیێ رازی مە، چونكو هەر داخازیەكا بكەم دێ بێژن دەستهەلاتا مە ئەڤەیە و ئەڤە ئەمرەكە بۆ مە هاتی و دبینم گەشت و گوزارا هەرێما كوردستانێ گەلەك یا گرنگە و مە ل هەرێما كوردستانێ هندەك جه هەنە ژ توركییا خوەشترن و داخازێ ژ جهێن پەیوەندیداردكەم نە ب تنێ ب ئاخفتن، بەلكو ب كریار پووتەكێ باشتر بدەنە ڤی بابەتی و رێ بۆ من خوەش بكەن وەكو نڤیسینگەه گەشتیاران بینم.
