ژماره‌كا زۆرا چه‌كدارێن داعش هاتنه كوشتن
ئه‌ڤرۆ نیۆز، قائید میرۆ
ثشتى تیرۆرستێن داعش سه‌نته‌رێ ناحیا قه‌راج بوردۆمانكرى، تۆپخانه‌یێن هێزێن پێشمه‌رگه و فڕۆكه‌یێن هه‌ڤپه‌یمانانژی ب گرانی داعش بوردۆمانكر و زیانێن مه‌زن گه‌هاندن تیرۆرستان.
ئیسماعیل حه‌مه‌د، به‌رپرسێ لیژنا ناوچا قه‌راج یا پارتی دیموكراتی كوردستان ب ئه‌ڤرۆ نیۆز راگه‌هاند” تیرۆرستێن داعش دو تۆپێن هاون هاڤێتینه سه‌نته‌رێ ناحیا قه‌راج و ژلایێ تۆپخانه‌یێن هێزێن پێشمه‌رگه‌ی ب توندی به‌رسڤا وان هاتیه‌دان”.
ئیسماعیلی گۆتژی” وی ده‌مێ داعش ناحیا قه‌راج بوردۆمان دكر، فڕۆكه‌یێن هه‌ڤپه‌یمان ئێكسه‌ر كاروانه‌كێ تیرۆرستێن داعش دناڤبه‌را هه‌ردو گوندێن خرپان و گرده به‌هار كره ئارمانج و د ئه‌نجامدا ته‌ڤایا چه‌كدارێن ناڤا ڤی كاروانی هاتنه كوشتن”
