ژماره‌یا نوونه‌رێن كورد ل په‌رله‌مانێ ئیراقێ و پێگه‌هێ هه‌رێما كوردستانێ
سالح حكیم
هه‌لبژارتن پرۆسه‌یه‌كا دیمۆكراسی یه، د پڕانیا وه‌لاتێن پێشكه‌فتی دا، ب شێوه‌یه‌كێ دادپه‌روه‌رانه دهێته ئه‌نجامدان. لێ ل وه‌لاتێن مینا ئیراقێ و ده‌وربه‌رێن وێ، كو ده‌ستهه‌لاتدارێن وێ خودان عه‌قلیه‌ته‌كا چارچووڤه‌كرینه، هه‌رده‌م پێكولا هندێ دكه‌ن هه‌لبژارتن ب شێوه‌یه‌كی گرتی بهێنه ئه‌نجامدان، كو د به‌رژه‌وه‌ندیێن وان دابن. ئه‌گه‌ر ئه‌م ته‌ماشه‌بكه‌ین، هه‌لبژارتنێن به‌ریا چه‌ند رۆژان هاتینه ئه‌نجامدان. و پارتێن كوردی پڕانیا كورسیین په‌ڕله‌مانی بده‌ستڤه‌برین، مینا پارتی دیمۆكراتی كوردستان 33 كورسی كو دبیت زێده‌تر لێ بهێن، ب ڤێ چه‌ندێ دڤێت مافێ كوردان یێ دیار و ئاشكرابیت، چونكی ب ده‌ستڤه‌ئینانا ڤان ژمارا زۆرا كورسیان د قه‌وارێ سیاسیێ كوردی دا وێ چه‌ندێ دیاردكه‌ت دڤێت كوردان پێگه‌هێ خوه‌یێ بهێز ل به‌غدا هه‌بیت. ئه‌و ژۆرا ئێك گوتار و ئێكرێزیێ دورست ببیت. لێ ئه‌گه‌ر كوتله‌یێن دی یێن نه كوردی، دژی كوردان و مافێن وان ڕابوه‌ستن. ئه‌ڤه دێ بیته پێشێلكڕنا هه‌لبژاڕتنه‌كا دیمۆكراسی، و دێ گومان كه‌ڤیته وان هه‌لبژاتنان، یێن خه‌لكی ده‌نگێ خوه و ب ئازادانه ده‌نگێ خوه دایه ئه‌وێ پارتێ. لێ د ڤی ده‌می دا، وه‌كو مه ئاماژه‌پێكری، دڤێت پارتێن كوردی هه‌می ب ئێك دل و ئێك ڤیان، ده‌ستێ خوه بكه‌نه د ناڤا ده‌سێن ئێكتردا، ژ پێخه‌مه‌ت ده‌نگده‌رێن خوه، هه‌می ئه‌و ناكۆكیێن ناڤخوه بده‌نه لایه‌كی، و بهێز به‌ر ب به‌غدا ڤه بچن. ئه‌ڤه ژی بێگومان دێ ب سه‌ركڕدایه‌تیا پارته‌كا خودان سه‌ربۆڕا مینا پارتی دیمۆكراتی كوردستان بیت، كو خودانا زۆرترین كورسییێن په‌رله‌مانی یه، وه‌ك پارت و سه‌ربه‌خوه وخودانا چه‌ندین داستانایه و سه‌ربۆڕێن وێ ل گه‌ل حوكمه‌تێن ئیراقێ دزۆرن، خۆڕاگری و خوه نه‌چه‌ماندنا پارتی، به‌رابه‌ری هه‌ر مافه‌كێ گه‌لێ كورد، نیشانا بهێز و متمانه‌یا گه‌لێ كورده، بۆ وێ پارتێ. له‌و فه‌ره ئه‌ڤ متمانا هه‌نێ بهێته پاڕاستن، داكو داكو سه‌ڕێ دوژمنی به‌رده‌وام یێ سه‌رشۆربیت به‌ر ب كوردستانه‌كا بهێز.
