ژنكا ل به‌هیێ وه دگۆت!!!
مینا ئاژانسا رۆیته‌ر خوه‌یا دكه‌ت! ئه‌ڤه زۆر دپرۆفشینالن دگه‌هاندنا ده‌نگوباساندا! ب شێوه‌كێ توڕه میدیا ل سه‌ر روودانێ دپه‌یڤن و دارێژن ل سه‌ر بنمایێن دیرۆكی و سه‌ربووری دیتنا ئه‌نجامێن پاشه‌رۆژێ دكه‌ن!! زه‌مرید، فاتۆ، خه‌جێ، تۆتێ و حه‌مرێ ئه‌ڤ و ب سه‌دان ژنێن كورد كو د ته‌مه‌نێ 50 تا 65 سالیێ دانه خودان سه‌ربوور د مه‌یدانێن شه‌ڕس و پێكدادانان دا ژیانا سه‌خت ده‌رئه‌نجامێ پولیتیكه‌كا ناڤخوه‌ی و نیڤده‌وله‌تی ئه‌ڤ ژنه یا شرۆڤه‌كرنا بارێ ئابووری و هونه‌ری و كۆمه‌لایه‌تی دكه‌ن بێی چ ده‌رزیكێن جوانكاریێ ل لێڤێت خوه بده‌ت! یان ژی قاهیشا ناڤته‌نگ زراڤیێ گرێده‌ت!. ژنكا د ناڤ به‌هیێدا دگۆت: دایێ ئه‌ڤ شه‌ڕه دێ ڤه‌كێشیت ب سالا! چه‌ند رۆژ پێڤه نه‌چوون وه‌زاره‌تا به‌رگرییا ئه‌مریكی ڕاگه‌هاند كو شه‌ڕێ نوكه وێڤه‌تر ژ سێ سالان دبیت بڤه‌كێشیت! ژن هه‌نه مینا ئه‌رشیفی به‌لگه‌نامێن دیرۆكی نیشادده‌ت! هه‌تا راده‌كی ئه‌نجامێن شه‌ڕی ب شێوه‌كێ نێزیك دیاربكه‌ت! سه‌ربوور مه‌رجه‌كی گرنگه د كارێ رۆژنامه‌ڤانیێ دا! هه‌ر چه‌نده نه‌خواندینه ب شێوێ زانستی، لێ ئه‌ڤ ژنه گه‌له‌ك ژ په‌یامهنێرێن مه‌یێن گه‌نج زیره‌كترن! وێ رۆژێ ل ناڤ تازیێ ژنكا به‌حسێ (تانسۆ چیله‌رێ) سه‌رۆك وه‌زیرا توركیا دكر ده‌مێ ل سالێن نوتاندا ب هێزكرنا میت و گرۆپێن توركی و دانا بنگه‌هێت له‌شكری ل وه‌لاتی دكرن ل به‌رامبه‌ر ئاماژه ب كاودانێن نوكه دان ب دانان و چێكرنا بنگه‌هێ له‌شكری ئه‌مریكی ل هه‌ولێرێ دكرن! و هاتنا گرۆپێن تیرۆرێ بابه‌تێن هۆسان دیڤچوونه‌كا هوویر پێدڤێت د شرۆڤه‌كرنێدا كو ئه‌ز باوه‌ردكه‌م رۆژنامه‌ڤانێن مه چ زانین نینه ل سه‌ر ڤان بابه‌تێن پۆلیتیك و نكارن ژ هزرا خوه رامانه‌كێ بده‌نێ. ما بوَ (زه‌مرید) نابیته رێكخه‌را ده‌نگوباسێن سیاسی د كه‌ناله‌كێ مه‌دا؟ و هه‌ڤالێن وێ ببنه په‌یام هنێر د راگه‌هاندن و مه‌دیا كوردی دا؟ د كه‌نال و مه‌دیا ئه‌وۆپی و ئه‌مریكی دا هه‌می پیره‌مێرو پیره‌ژنن كو گرنگیێ ناده‌نه سه‌روچاڤان و ته‌مه‌نی و جانیێ! سه‌ربوور دروودانێن گه‌له‌ك سالاندا شه‌هره‌زایێ چێدكه‌ن! و ملله‌ت مفایی بخوه ژێ دبینن و ل جیهانێ بناڤترینن! ل به‌هیێ دگۆتی: ئێدی ئه‌ردێ چاندنێ نامینت ل گوندان ژ به‌ركو دێ بنه بیستانێن گازێ و بیرێن په‌ترۆلێ د پاشه‌رۆژێ دا! ڕاگه‌هاندن و كار د ده‌زگه‌ه و مه‌دیا جیهانی دا ل سه‌ر بنمایه‌كێ فێربوون د خواندنگه‌ه و ل سه‌ر بنه‌مایێن زانستی ئه‌ڤی بابه‌تی ب زه‌حمه‌ت ده‌ردكه‌ن! لێ دیتنا ژنكێن تازیێ ژی د ڤی بابه‌تی دا یا دورسته. گوندێن مه دێ خراببن هه‌كه رۆژه‌ك هات و ئه‌ڤان كۆمپانیێن مه‌زن ده‌ست ب ده‌ركرنا په‌ترۆلێ كرن ژ ڤان بیرێن كولایی! ئه‌م وه‌ك خه‌لكێ گوندی نابیت ل وێرێ بمینین! به‌لكی پاره‌كێ بێخێر بكه‌نه د ده‌ستێ مه دا و مه دوور بكه‌ن ژ زه‌ڤیێن چاندنێ! ما دێ چ ل ده‌فته‌را دۆلاری كه‌م؟ چ زه‌ڤی بوَ من پێناهێت گه‌نمی بچینم؟ كه‌رتێ چاندنێ مه نامینیت ل نێزیك! چ ڕاگه‌هاندنا ئه‌ڤ زه‌نگا مه‌ترسیێ لێ نه داییه! د ڕاگه‌هاندنا كوردی دا به‌حسێ مه‌ترسیا ژ ده‌ستدانا ئه‌ردێ چاندنێ ناكه‌ن! په‌ترۆل و گاز ب تنێ دێ وه‌لاتێ مه كه‌ته كارگه‌هه‌كا مه‌زن و ژینگه‌هه‌كا تژی هه‌وایێ ژه‌هراوی! بخودێ راوێشكارا مه (حه‌مرێ) راست دبێژیت ل تازیێ ده‌مێ گۆتی: داوو دێ بلا هنده‌ك بیرێن گازێ نیشان و دیارنه‌كه‌ن! بلا هنده‌ك جه و وارێن نهێنی بمینن بوَ یه‌ده‌ك د ئاخا وه‌لاتی دا! ما چ ده‌عوه هنگۆ ئه‌ڤ وه‌لاته كره موخلك!. هه‌روه‌سا گۆتن: دێ هه‌ر راتبێ دو هه‌یڤا هێته خارن و هنگافتن! فاتۆیێ ئاماژه ب زڤڕینا (گۆشتێ ئیرانی) كر د بازاریدا ئه‌ڤێ دبو كه‌ف د ئاغله‌ویكێ دا، دوپاتكر كو بهایێ هێكێ دێ چیته زێرا!
