ژنه‌كێ ل دهۆكێ رۆمیو جولێت گه‌هاندنه ئێك
دهۆك، هه‌رهین محه‌مه‌د:
ئامینا ژنه‌كا باژێرێ دهۆكێ یه، د دیداره‌كێ دا بۆ رۆژناما ئه‌ڤرۆ گۆت: ئه‌ڤه بیست و پێنچ سالن ئه‌ز كه‌لوپه‌لێن كه‌ڤن یێن فولكلۆری هه‌لدگرم و هه‌ر كه‌سه‌كێ بزانیت ئه‌ز حه‌زژ كه‌لوپه‌لێن كه‌ڤن دكه‌م بۆ من دئینن و دكه‌نه دیاری و هنده‌ك ژوان ژی من بخوه كڕینه و من جهه‌ك ل مال هه‌یه و ئه‌ز ڤان تشتان دكه‌مه تێڤه و كه‌یفا من گه‌له‌ك پێ دهێت و رۆژا فیسته‌ڤالا گه‌شتیاری من نیشادان و ل سه‌ر خاترا (مه‌سرور بارزانی) سه‌رۆكێ حكومه‌تێ من بۆ جارا ئێكی نیشادان و هه‌كه من نیشا كه‌سێ نه‌داینه و مالا من ژی گه‌ل من د هاریكارن بۆ كومڤه‌كرنا تشتێ كه‌ڤن یێ باب و باپیران.
زێده‌تر گۆت: ته‌خما رومیۆ جولێت چل و پێنچ پارچه‌نه و ئه‌ڤه شه‌ش سالن ئه‌ز پێڤه هه‌تا من كۆمڤه‌كری و هه‌رپارچه‌ك ل جهه‌كی بوو لێگه‌ریام و هه‌كه من زانیبا پارچه‌ك یال جهه‌كی ئه‌ز دچووم من ئه‌و پارچه دكری، چونكو گه‌له‌ك حه‌زژێ دكه‌م و گه‌له‌ك كه‌س دهێنه نك من ژبۆ كڕینا كه‌لوپه‌له‌كێ كورده‌واری یێ كه‌ڤن، به‌لێ نه‌شێم ب فرۆشم و ئه‌ز داخوازا لێبورینێ ژ خه‌لكی دكه‌م.
