ژنێن كورد د فەستیڤالان دا كاریزمانە
هەرهین محەمەد:
ئەكتەرا گەنج (زوزان خدر) د دیدارەكێ دا بۆ رۆژناما ئەڤرۆ گۆت: سالانە ئەز پشكداریێ د فلمە فەستیڤالا دهۆكێ دا دكەم، بەلێ ئەڤ سالە ئەز د چ فلمان دا پشكدار نەبوویمە و ژنا كورد كارێزمایە دفلمان دا و دفیستەڤالان دا، چونكو چ جوداهی نینە دناڤبەرا ئەكتەرا ژن یا كورد و بیانی و دبینم د ڤی سەردەمی دا رێژەیا ئەكتەرێن كچ یێن دەڤەرا بەهدینان زێدەبوویە و باشترە ژ سالێن بۆری و تشتێ جیاواز بۆ من پاراستنا زمانێ كوردی یە.
زوزانێ گۆت: نوكە ل سەر دو كورتە فلمان كاردكەم و سیناریۆیا وان ب دووماهی بهێت دێ دەست ب وێنەكرنێ كەین و چیرۆكا فلمی دخوازیت كا دێ رۆلەكێ چاوا گێڕم سەرەكی یان لاوەكی و پشتراستم دێ رۆلێ سەرەكی بیت، بەلێ رۆلێن سەرەكی تر ژی هەنە ل گەل من دا و ب هەموو رۆلان رازی نابم و هەكە رۆلێ من ب دلێ من نە بیت ئەز رەت دكەم، چونكو دبیت ل گەل دابونەریتێ مە نەگونجیت و دیسان ئەگەر من دیت بۆ جڤاكێ مە دێ یا خراب بیت ب چ رەنگان رازی نابم وی رولی بگێرم
