ژنێ نەڤێت ئەڤ کێماسیە ل جلکێن تە بن
ئەڤرۆ نيوز:
سەرنجا ژنێ بەری ھەر تشتەکی بۆ سەروبەرێ زەلامی دچیت و کارتێکرنێ لێ دکەت، ھەردەم حەز دکەت بینیت ھەڤژینێ وێ یێ ماقوویل بیت، ھندەک ژ وان تشتێن ژنێ نەڤێن و کەرب لێ ڤەدبن:
ــ لبەرکرنا جلکێن پیس: چ ش ھندێ نەخۆشتر و ب شەرمتر نینە لنک ژنێ دەمێ دبینیت جلکێن ھەڤژینێ وێ د پیس و بێ سەروبەر، ھندی تو جلکێن مارکە و بھا بکەیە بەرخوە جوانیا وان دیار نابیت ئەگەر د پیس بن، لەوا ھەردەم یێ پاقژ و بژین بە.
ــ دیارکرنا جلکێن نافخو: ژنێ کەرب ڤەدبن دەمێ دبینیت جلکێن ھەڤژینێ وێ یێن نافخو دیار دکەن دبن جلکێن سەرڤە، دبیت ھەست ب شەرمەکا مەزن بکەت دەمێ تو ل گەل دئاخڤی، لەوا بلا تە کەساتیەکا بالکێش ھەبیت و ھووشیاری رێیا لبەرکرنا جلکێن خوە بە.
ــ لبەرکرنا جلکێن وەکو شێوێ ژنان: وەکو وان جلکێن نەخشاندی وەکو ژن حەزژێ دکەن، دەمێ تو جلکان بو خوە د ھەلبژێرێ وان نەکرە یێن دیزاین و رەنگێ وان وەکو یێن ژن لبەر خوە دکەن، ژ وان تیشێرتان دوور کەڤە یێن رەنگێ سوور یان زەر یان مورێ ڤەبووی بن، یان وان قەمیسان لبەر خوە نەکە یێن ھێمایێن سنێلان ل سەر.
ــ ڤەکرنا قومچکان: گەلەک کەسێن ب ناڤ و دەنگ قومچکێن سەری یێن قەمیسێ خوە ڤەدکەن، ژن حەز ناکەن ھەڤژینێن خوە وەسا بینن.
ــ لبەرکرنا شورتی: ژن حەز ناکەت ھەڤژینێ وێ شورتی لبەر خوە بکەت، چونکو وەکو گەنجەکێ سنێلە دیار دکەت یێ کو چ بەرپرسیاری د ستوویێ وی دانە.
