ژنەكا ئێزدی د سەرژمێریا ئیراقێ دا ب تەمەنترین كەس هاتە تۆماركرن
دلڤین رەشید:
ژنەكا كوردا ئێزدی كو ژیێ وێ (137) سالن، د دووماهی سەرژمێریا گشتی دا دیار بوو كو ئەو ب تەمەنترین مرۆڤە ل سەر ئاستێ ئیراقێ و رەوشا وێ یا ساخلەمیێ یا باشە، لێ چاڤێن وێ نەدباشن.
رەوشێ قاسم حسێن، بۆ رۆژناما ئەڤرۆ دیاركر كو ئەو خەلكا قەزا شنگالێ یە ژ دایكبوویا سالا 1887كو تەمەنێ وێ دبیتە (137) سال پشتی شەڕێ داعش ئاوەرەی هەرێما كوردستانێ بوویە، بۆ ماوێ دەه سالان ل كەمپا كەبەرتوی دژیا و ئەڤە بۆ ماوێ سێ هەیڤانە ڤەگەریایە شنگال ل كومەلگەها دوگورێ سەر ب ناوچەداریا سنورنێ ڤە، پشتی كو تیمێن بژمێران سەرە دانا مالا وێ كری، دیار بوو د سەرژمیریا ئیراقێ دا ب تەمەنترین كەسە.
رەوشێ گۆت: من دو جاران ژیانا هەڤژینێ پێك ئینایە و نێزیكی دوسەد و پێنجی نەڤەیان هەنە، پرانیا فەرمان و كارەساتێن ب سەرێ مە ئێزدیان هاتین هێشتا ل بیرا منن، دقوناغێن جودا مللەتێ ئێزدی گەلەك زلم و زۆرداری دیتینە، بەلێ مەزنترین جینۆسایدا یا سالا 2014 بوو، كۆ تێدا ژنا ئێزدێ هاتیە رەڤاندن و زۆلم و زۆرداری لێ هاتیەكرن و ب هەزاران خەلكێ بێ گونەه هاتنە كوشتن چارەنڤیسێ ب سەدان كەسان هێشتا دیار نینە و چاڤێن دایكان هێشتا ژ رۆندكان زوها نەبووینە و هەتا نوكە تشتەكی ژ گرتین خۆ نوزانن، بۆ زانین رەوشا من یا ساخلەمی هەتا رادەیەكی یا باشە، بەلێ بتنێ چاڤێن من نەدباشن و دخوازم رێكخراوێن مافێ مرۆڤی هاریكاریا من بكەن دا بشێم چارەسەریا چاڤێن خوە بكەم.
