ژنەکا ئەندونیسی سێ سالان حووکم بوو
ئەڤرۆ:
پشتی ژنەکا ئەندونیسی بۆ ماوێ زێدەتر ژ دو سالان ل ناڤ مالەکێ کار دکر و پاشی ئەوێ کارێ وێ مالێ ھێلا و بەر ب مالەکا دی چوو بۆ ئەنجامدانا کارێ خزمتکاریێ و پشتی سێ جاران دزیێن وێ مالێ کرین و ھەمبەری دادگەھی دان ب تاوا خوە کری، ژ ئالیێ دادگەھا تاوانێن دھۆکێ ڤە بۆ ماوێ سێ سالان ھاتە حووکم کرن.
د قوناغا ڤەکولینێ و بەرامبەر دادگەھێ ڤێ ژنا ئەندونیسی دانپێدان ب ئەنجامدانا تاوانا دزیێ کر کو وێ سێ جاران پارێت مالەکێ دزینە و بۆ دادگەھێ دیارکر ئەوێ وەک خزمەتکاری بەری ئەنجامدانا تاوانێ ل ناف مالەکێ کار دکر بۆ ماوێ زێدەتر ژ دو سالان و پشتی ھینگێ ئەوێ کارێ ڤێ مالێ بجە ھێلا و بەر ب مالەکا دی چوو بۆ ئەنجامدانا کاری خزمتکاریێ کو ئەڤ مالە دبیتە کچا ئەوێ خێزانا بەری نوکە وێ لێ کار دکر پشتی بورینا دەمەکی ئەو ل گەل خودانا مالێ دچیتە ئەوێ مالا بەری ھینگێ لێ کار دکر ب مێڤانداری و بۆ کو ب شەف ژی ل وێ مالێ ئەو دنڤستن، پشتی ئەندامێن وێ خێزانێ دنڤستن ئەوێ قەستا ژورەکێ کر و دزانی ڤێ مالێ پارێت خوە ل کیڤە داناینە لەورا وێ ب دەلیڤە دیت و جارا ئێکێ کوژمەکێ پارەی دزی لێ وێ نەدزانی کا چەندن، پشتی بورینا دەمەکی ل سەر ڤێ دزیێ ئەو جارەکا دی ب ھەمان شێوە چیتە وێ مالێ و کوژمەکێ دی یێ پارەی د دزیت و جارا سیێ ژی بزاڤێ دکەت دزیا بکەتە ڤە لێ کلیکێن وێ ژورا پارە لێ ھاتینە دانان ب دەست من نەکەفتن لەورا بۆ جارا چارێ من دزیەکا دی ژ ھەمان مال کر و کوژمەکێ دی یێ پارەی دزی کو ڤێ جارێ ئەز ئاشکرا دبم پشتی کو خودانێ ڤێ مالێ سکالایەک ل من کری کو ھەر جارا ئەز چویمە مالا وان دزی ژ مالا وان ھاتینە کرن و ب پەشیمانی ڤە دانپێدانێ ب ڤێ تاوانا من کری دکەم کو تاوانبارم ب ئەنجامدانا دزیێن ڤێ مالێ.
دووڤ دا داواکارێ گشتی یێ دادگەھا تاوانێن دھۆکێ پشتی گوھداریا ڤێ تاوانێ کری و د ئەڤ کەیسە خاندی داخوازا زیندانکرنا ڤێ ژنا ئەندونیسی یا تاوانبار ژ دادگەھێ کر، لەورا دادگەھا تاوانێن دھۆکێ ژی سزایێ سێ سالێن زیندانیێ دەرھەقی ڤێ ژنکێ دەرخستن ل دووڤ مادێ ٤٤٤ ژ قانوونا سزایێن عیراقی یا ھژمارە ١١١ یا سالا ١٩٦٩.
