ژنەکا 20 سالی خوە خەندقاند
ئه‌ڤرۆ نيوز:
ئافرەتەکێ ب ناڤێ “رۆناک ئیلیاس” د ژیێ 20 سالیێ دا ل رۆژا ئێک شەمبی 6/2/2017 دەمژمێر پشتی نیڤرۆ ل باعەدرێ خوە ب کنفی خەندقاندیە
رائیدێ مافپەروەر ھێمن سلێمان بەرپرسێ راگەھاندن و پەیوەندیێن پۆلیسێن پارێزگەھا دھۆکێ بۆ رۆژناما ئەڤرۆ ئاشکرا کر کو ژیێ وێ 20 سالن و ل مالا خوە ل باعەدرێ ب کنفی داوی ب ژیانا خوە ئینایە و گۆت “دو زارۆک ھەنە و بادەکا لێکۆلینێ ل دۆر بوویەرێ ھاتیە ڤەکرن”.
ژێدەرەکی ژ نێزیکی ھەڤژینێ رۆناکێ بۆ رۆژناما ئەڤرۆ دیار کر کو ئەڤە پتر ژ دو دو سالایە رۆناکێ خێزان پێک ئینای و دەیکا کچەک و کۆرەکایە و د ناڤ مالا خوە دا ل ناڤ سەنتەرێ باعەدرێ خوە خەندقاندیە و بۆ پزیشکیا داد ل دھۆکێ ھاتبوو ڤەگوھاستن.
ھەمان ژێدەری خویا کر ئەڤ ژنە بەری نھا ل گوندێ شێخکا ئێزدیان یێ سەر ب باژێرکێ ئەلقوش ڤە بوو، لێ شوی ب گەنجەکێ ئاکنجیێ باعەدری کربوو و گۆت “ل دووڤ گۆتنێن ژێدەری، ھەڤژینێ وێ ب حەژێکرن ئینایە و چ ئاریشە د ناڤبەرا ھەردوکان دا نەبوون”.
