ژنەک بۆ کونسۆلا ئەلمانیا ل هەرێما کوردستانێ
ئەڤرۆ نیوز ، زنار تۆڤی:
دوهی کونسولێ بەرێ یێ وەلاتێ کۆمارا ئەڵمانیا فیدرال (کۆرت جۆرج ستۆکل شتیلفرێد) ل باژێرێ هەولێرێ ب فەرمی دەست ژ کار کێشا و ل جهێ وی ژنەک وەک کونسولا نوو یا وەلاتێ وی ل هەرێما کوردستانێ دیارکر.
ل حەفتیا بوری کۆرت جۆرج ستۆکل شتیلفرێد، کونسولێ گشتى یێ کۆمارا ئەلمانیا فیدرال ل هه‌رێما كوردستانێ ل گەل هەر ئێک ژ سەرۆک و جێگرێ سەرۆکێ جڤاتا وەزیران و فەرمانگەهێن پەیوەندیان کۆمبوویە و بۆ ئاگەهداربوون ژ دەست کارکێشانا وی ژ وی ئەرکی وەک کونسولێ گشتی یێ وی وەلاتی و ب فەرمی مالئاڤاهی کر ژ هه‌رێما كوردستانێ و ب فەرمی ماوێ کارێن وی ب دووماهی هات.
د راگەهاندنەکا فەرمی یا کونسولخانا ئەلمانیا دا هاتیە، کو ل ١٦ تەمۆزا ٢٠١٨ وەلاتێ کۆمارا ئەلمانیا فیدرال ب فەرمی خاتوون (باربارا شوماخەر) وەک کونسولا نوو یا وی وەلاتی بۆ کاروبارێن سیاسی و ئابووری و هاریکاریێن مرۆڤی ل هەرێما کوردستانێ دیارکر.