ژنەک سالێ دو جاران خوە دشوت
ئەڤرۆ نیوز ، زنار تۆڤی:
ژنەکا د ژیێ 50 سالیێ دا ب ناڤێ ماکسین جۆنز نەخۆشیەکا دەگمەن هەیە، ژبەر هندێ ب تنێ سالێ دو جاران خوە دشوت.
رۆژناما میرۆر دایە دیارکرن، کو ڤێ خانمێ هەستیاریەکا دەگمەن ل دژی ئاڤێ هەیە و نەچار بوویە کو سالێ دو جاران خوە بشوت، چونکی دەمێ ئاڤ ب پیستێ وێ دکەڤیت لەشێ هەموو دبیتە پرسک.
وێ رۆژنامێ دیارکریە ژی، دەمێ ماکسین ددانێن خوە دشوت، یان قەهوێ چێدکەت، یان فێقی کەر دکەت، دەست گورکان دکەتە دەستێ خوە و دڤێت گەلەک ب هشیاری ئاڤێ ڤەخوت، داکو نە رژیتە پێدا.
ئەڤە ماوێ هەشت سالانە ماکسینێ ئەڤ نەخۆشیە هەی و نەچاربوویە کارێ خوە بهێلیت، هەر چەندە و پێشتر پەرستیاربوو، هەروەسا ئاشکرا دکەت کو پێش ئەو خوە بشوت دڤێت برەکا زۆر یا دەرمانان بخوت.
ماکسین دبێژیت، دەمێ ئاڤ ب وێ دکەڤیت ئەو هەست ب ئازارەکا مەزن دکەت و وەسا هەست پێ دکەت، کو هەستیەکێ وێ یێ شکەستی، ئەڤە ژ بلی هندێ کو لەشێ وێ ژی د خوریێت، هەروەسا ئەو رۆژێن باران دبارن ئەو ژ مال دەرناکەڤیت و جیرانێن وێ هاریکاریا وێ دکەن.
هەروەسا نۆشداران گۆتیە وێ، هەکە ئەو رێنمایان پشتگوه بێخیت و ئاڤێ گەلەک ب کاربینیت، رەنگە ئەو توشی پەنجەشێرێ ببیت.
