ژن حەز ژ ڤان تیتالێن زەلامان ناکەن
ئەڤرۆ نیوز:
ماقوولیا زەلامی و جوانیا سەروسیمایێ وی، گرنگترین ئەگەرن ژنێ پالدەن گرنگیێ پێ بدەن. ماقوولی ژی نە ب تنێ کڕینا جلکێن جوان و مارکەنە، بەلێ ھندەک تشتێن بچووک یێن ھەین سەروسیمایێ زەلامی جوان دکەن.
ھندەک ساخلەتێن بچووک و سادە تشتەکێ باش ل پشت خوە دھێلیت، ھندەک بێ خەمیا بچووک ژی ماقوولیێ ھەموویێ تێکددەت. دا ھەردەم یێ ماقوول و جوان بی ل ھەمبەری ھەڤژینا خوە، پێدڤیە ھندەک ەشاشیان نەکەی دا ھەردەم یێ سەرنجراکێش بی.
ریھدینکا ل بن لێڤێ: گەلەک زەلام وەسا ھزر دکەن، ژن حەز ژ ھێلانا پیچەکا ریھدینکێ ب شێوەکێ چارگوشە ل بن لێڤێ دکەن، بەلێ د راستی دا پرانیا ژنان وەسا ھزر دکەن کو پنیەکە و دڤێت بھێتە راکرن.
زێدە بکارئینانا گولاڤان: ھەلبەت ژن حەز دکەن زەلام گولاڤان بکاربینن، ھەردەم دڤێت بێھنا زەلام یا خۆش بیت. بەلێ زێدە بکارئینانا گولاڤان ئەنجامێن بەرۆڤاژی ل دووڤ دئینیت. ژنان دڤێن بێھەکا خۆش ھلکێشن نە ھێرشا گولاڤان بچیتە سەر.
نەچاڤدانا نینۆکان: نینۆک تشتەکێ گەلەک بچووکە بەلێ زوو یێ بەرامبەر دبینیت. ژن حەز ژ وی زەلامی ناکەت یێ چاڤێ خوە نەدەتە نینۆکێن خوە. یا پێدڤیە ھەردەم نینۆکێن تە د پاقژ بن یان بەردەوام ببڕی.
زراڤکرنا ریھان: ژن ل پرانیا جاران حەز ژ ریھێن زراڤ یێن زەلامان ناکەن، ھشیار بە. بەلێ ب شێوەکێ گشتی ژن حەز ژ ریھێن تمام دکەن.
تراشینا موویێن لەشی: ھندەک جوادھیێن بیولۆژی و فیسیولۆژی د ناڤبەرا ژنێ و زەلامی دا یێن ھەین، موویێن لەشی نیشانا نێراتیێ نە کو ژنێ دڤێت ل سەر لەشێ زەلامی ببینیت. لەورا ژن حەز ژ وان زەلامان ناکەن یێن پۆرتێ لەشێ خوە دتراشن.
