ژن دشێت ب حه‌زژێكرنا خوه هه‌ڤژینێ خوه ب گهۆریت
دهوك، هه‌یفا دوسكی:
چالاكڤانه‌كا ژن: ل پشت هه‌ر زه‌لامه‌كێ سه‌ركه‌فتی ژنه‌كا زانا و مازن و تێگه‌هشتی هه‌یه.
ده‌مێ زه‌لام توشی نه‌خوشی و ئاریشه و ماندیبونه‌كێ دبیت حه‌زژَكرنا هه‌ڤژینێ دبیته هێز و پالده‌ره‌كێ مه‌زن بو سه‌ره‌فتن و به‌رده‌وامیا كاری بو مه، پاشی ژن دبێژن چ مه ناهێت وه‌كو پێدڤی ل جهێ وان هه‌می تشتا بگرین ژبه‌ر زه‌لام زوو توره دبن و ل سه‌ر هزرا خوه نامینن و ژبن كونترۆلا خوه ده‌ر دكه‌ڤن، له‌ورا ڤه‌كوله‌رێن جڤاكی ژلایه‌كێ ڤه دبێژیت ژن ب حه‌زژێكرنا خوه هێزه‌كا مه‌زن ده‌ته زه‌لامی.
كاروان عه‌زیز فه‌رمانبه‌ره به‌حس دكه‌ت كو گه‌له‌ك جار ئه‌و توشی شكه‌ستنا بوویه به‌لێ ڤیان و حه‌زژێكرنا هه‌ڤژینا وی بوویه سه‌ده‌ما ئارامی و پشت گه‌رمی و سه‌ركه‌فتنا وی دكاری دا و پاشی گۆت: هه‌ر كه‌س دژیانێ دا تووشی ئاریشه و شكه‌ستن و ئاریشا دبیت، به‌لێ حه‌زژێكرنا ژنێ دبیته هوكارێ باوه‌ری ب خوه بوون ڤه‌دگه‌ریته گۆتنێن ژنێ و ئه‌و ئاخفتنێن هێزێ بو زه‌لامی په‌یدا دكه‌ت.
نه‌زیر سلێمان ژی خودان كاره ئاشكه‌را دكه‌ت كو ئه‌و گه‌له‌ك جار به‌ره‌ڤ ئاسته‌نگا ڤه چوویه به‌لێ باوه‌ریا هه‌ڤژینا وی و ئه‌و ڤیان و حه‌زژێكرنا وێ بوویه رێكه‌ك ژیانێ ل به‌ر ئاسان بكه‌ت و بازرگانه‌كێ وێره‌ك و شاره‌زا بیت، نوكه ژی دانپێدانێ دكه‌م كو سه‌ركه‌فتنا من دكاری دا هزر و ئاخفتنێن هه‌ڤژینا منن و ئه‌و پشته‌ڤانیا ل من دكه‌ت، ژبه‌ر هندێ چوجار نابیت ئه‌م ره‌خنێ ل ئێك بگرین چونكی ژن و زه‌لام ته‌ماكه‌رێن هه‌ڤن دهه‌می كاودانان دا.
به‌یان سالح چالاكڤانه سه‌باره‌ت بابه‌تی گۆت: ئه‌م گه‌له‌ك به‌حس ل هه‌ڤركیا دناڤبه‌را ژن و زه‌لامی دا دكه‌ین به‌لێ بلا ژبیر نه‌كه‌ین كو ژن و زه‌لام بو ئێك وه‌كو و ئاڤ و ماسیێ یه كو هه‌ر دوو بێ ئێك ناژین، ژبه‌ر هندێ گرنگه ئه‌و باوه‌ری و حه‌زژێكرنا ژنێ و زه‌لامی بو ئێك بیته پالده‌ره‌ك كو پتر داهینانێ دژیانێ دا بكه‌ن نه‌ك دژایه‌تی و هه‌ڤركیێ بكه‌ن و دسه‌ر هندێ را ئه‌و هه‌ڤژینین و ل سه‌ر ئێك بالیفك یێ خێزانێ پێ ئاڤا دكه‌ن و زارویا دئینن و سه‌ركردایه‌تیا خێزانه‌كێ دكه‌ن، ژبه‌ر هندێ سه‌ركه‌فتنا هه‌ڤژینا سه‌ركه‌فتنا خێزانێ ب گشتی یه و تایبه‌ت ده‌مێ زه‌لامی هه‌ڤژینه‌كا شاره‌زا و خودان باوه‌ری نه‌بیت نه‌شێت پشته‌ڤانیێ ل هه‌ڤژینێ خوه بكه‌ت، به‌لێ پێدڤی یه ئه‌م هزرا هندێ ژی بكه‌ین كو بده‌ستڤه ئینانا باوه‌ریا ژنێ بو زه‌لامی پالده‌ره‌كه كو هه‌ردوو بشێن زارویێن سه‌ركه‌فتی ژێ په‌یدا بن.
هه‌ر ل دوور بابه‌تی دلژار ژنه‌كا چالاكڤانه سه‌باره‌ت بابه‌تی دبێژیت حه‌زژێكرنا ژنێ بو زه‌لامی تایبمه‌ندیا خوه یا هه‌ی نه‌خاسمه ده‌مێ زه‌لامی كاره‌ك هه‌بیت ئه‌ڤ حه‌ژێكرنه دبیته پشته‌ڤانه‌كێ سه‌ره‌كی بو وی زه‌لامی و كو پتر خوه ماندی بكه‌ت و دگه‌ل هندێ هه‌ست ب وه‌ستیانێ نه‌كه‌ت.
چونكی هێزا سه‌ره‌كی یا زه‌لام ڤه‌دگه‌ریته ژنێ وه‌ردگریت ئه‌وه ده‌مێ ژن ژ دل حه‌ژێ بكه‌ت و ل سه‌ر وێ خالێ پشته‌ڤانیا وی دكه‌ت زه‌لام ل وی ده‌مێ هه‌می نه‌خوشیان ژبیردكه‌ت، به‌رۆڤاژی ڤێ یه‌كی ژی ژن دبیته هانده‌ره‌كێ ب هێز بو زه‌لامی د هه‌ر ته‌نگاڤی و كاره‌كی دا.
پاشی دئاوایه‌كێ دی دا ئاماژه كر حه‌ژێكرنا هه‌ڤژینان بو ئێك وه‌كو گۆلێ چه‌ند حه‌ش ئێك بكه‌ن دێ پتر به‌رهه‌مێ پیرۆز ژخوه ده‌ن و په‌یوه‌ندیا وان خوشتر بیت، به‌لكو دگه‌ل پێك ئینانا هه‌ڤژینیێ ئه‌و پێدڤی ئێكن رێزێ ل ئێك بگرن و پشته‌ڤانیێ ل ئێك بكه‌ن، ژبه‌ر هندێ ئه‌م پێدڤی هندێ نه هه‌ڤژین بو ئێك وه‌كو دوو هه‌ڤال و دوو خوشتڤیان بن داكو سه‌رفه‌رازیێ دژیانا خوه‌دا بینن، لاداویێ ژی خانما ناڤبری گۆت: ل پشت هه‌ر زه‌لامه‌كێ سه‌ركه‌فتی ژنه‌كا شاره‌زا و تێگه‌هشتی یا هه‌ی.
