ژن و زارویه‌ك بریندار دبن
ئه‌ڤرۆ نیوز، عه‌لى حاجى :
ئه‌ڤرۆ ل روژا دو شه‌مبێ رێككه‌فتى 29/7/2019 ل ده‌مژمێر 2:00ى پشتى نیڤرۆ ل باژێرێ زاخۆ ژ ئه‌گه‌رێ شورته‌كێ كاره‌بێ ژنه‌ك و زاروویه‌ك بریندار دبن و ئێكسه‌ر بۆ نه‌خوشخانا ته‌نگاڤیا ل دهوكێ دهێنه ره‌وانه كرن .
رائید بێوار عه‌بدولعه‌زیز ، به‌رپرسێ راگه‌هاندنا به‌ره‌ڤانیا باژێرى ل پارێزگه‌ها دهۆكێ بۆ ئه‌ڤرۆ نیوز دیار كر ئه‌ڤ روودانه ل ده‌مژمێر دوویێ پشتى نیڤرو سه‌ر جادده‌یا تاخێ شوقا ل باژێرێ زاخۆ ، ژئه‌گه‌رێ شورته‌كێ كاره‌بێ ب شوققه‌یه‌كێ ل سه‌ر وێ جادده‌یێ زارویه‌ك و ئافره‌ته‌ك بریندار دبن و پشتى تیمێن مه ل به‌ره‌ڤانیا باژێرى ل زاخۆ گه‌هشتنه جهێ روودانێ ، ئێكسه‌ر ئه‌و هه‌ردو برینداره بۆ نه‌خوشخانا زاخۆ یا ته‌نگاڤیان هاتنه ره‌وانه كرن ، پشتى ماوه‌یه‌كێ كێم ئه‌و هه‌ردو برینداره بۆ نه‌خوشخانه‌یا هاوار هاتنێ ل دهوكێ هاتنه ڤه‌گوهاستن و هه‌ر زوو شیان وى ئاگرى ژى كونترول بكه‌ن ئه‌وێ ژ ئه‌گه‌رێ وى شورتێ كاره‌بێ دروست بوویى .
