ژن پتر ژ زەلامان داخوازا بەردانێ دکەن
بێوار حەمدی:
ب شێوەیەكێ گشتی و بتایبەت ل ڤی سەردەمی ژن پتر ژ زەلامان داخوازا جۆدابۆنێ دكەن، پارێزەرەكی ژی گۆت: هەكە چ ئەگەرێن ڕەوا نەبن و ژن داخۆازا جۆدابونێ بكەت، ل وی دەمی دڤێت خۆ ژ مەهرا دەسپێكی ڤەكێشیت.
پارێزەر جەودەت جەلال، د دیدارەكێ دا بۆ ڕۆژناما ئەڤرۆ دیار كر ل دووڤ پتریا وان كەیسێن دهێنە دادگەهێ ل هەرێما كۆردستانێ ب شێوەیەكێ گشتی ژن پتر داخوازا جۆدابونێ دكەن ژ زەلامان و بتایبەت د نۆكە دا و گۆت: پتریا ئاریشێن نوكە كو دبنە ئەگەرێ ژێك جۆدابونێ یان لێك تێنەگەهشتنە یان ئەگەرێن ئابۆری نە و ب تایبەت ل ڤی سەردەمی سوشیال میدیا ئەگەرەكێ سەرەكیە.
پارێزەری د بەردەوامیا ئاخفتنێن خۆدا دیار كر، هەكە چ ئەگەرێن ڕەوا نەبن و ژن داخوازا جودابونێ بكەت و بتنێ بێژیت من نەڤێت دگەل ڤی زەلامی بژیم، ل وی دەمی دڤێت ئەو خۆ ژ مەهرا خۆ یا دەسپێكی ڤەكێشیت و هەكە وەرگرتبیت ژی دڤێت بزڤڕینیت، بەلێ مافێن دی هەمو دێ گەهنێ وەكۆ، مەهرا دووماهیێ، مەزاختن، زارۆك.
پارێزەر جەودەت گۆتژی: لێ هەكە زەلام داخوازا جۆدابۆنێ بكەت و ژن یا رازی نەبیت ل ڤێرە دێ بیتە جودابونا ب توندی و زوری و ژن دێ هەموو مەهرا خۆ وەرگریت یا دەسپێكێ و دوماهیێ و مەزاختن و مافێن خۆ یێن وی جورێ جۆدابۆنێ ژی دێ وەرگریت.
پارێزەری دەربارەی جودابۆنێ د بابەتێ خیانەتێ دا دیار كر، چ جۆداهی نینە هەكە ژن خیانەتێ بكەت یان زەلام، ژبەركۆ هەر كیژ وان بیت دێ هێتە حوكم كرن و گۆت : هەكە ژنێ خیانەت كربیت چ ژ وان مافان ناگەهنێ یێن مە بەحس ژێ كرین و هەكە زەلام ژی بكەت ژنێ ماف هەیە خۆ بدەتە بەردان و دێ هەموو مافێن خۆ وەرگریت.
