ژن پێدڤی ب چاڤدێریا تایبەتن
ئەڤرۆ نیوز:
ژنێن دوگیانیا وان د مەترسیێ دا دشێن ب رێکا یەکەیێن چاڤدێریا ژنێن دوگیان ل بنگەھێن ساخلەمیێ بکەڤنە ل ژێر چاڤدێریێ، راستە ل دەمێ دوگیانیێ گەلەگ گوھۆرین د لەشێ ژنێ دا پەیدادبن، بەلێ دوگیانی ب خوە نەخوشی نینە، گەلەک نەخۆش ھەنە د مەترسیدارن و ل دەمێ دھێنە پشکا زارۆبوونێ نوشدار نزانیت دێ چ بۆ کەت، چونکو چ د دەستێ وێدا نینە و بەری نوکە پشکنین بۆ نەھاتینە کرن.
د.ئەمەل عەبدولحەکیم، تایبەتمەندا نەخۆشیێن ژنان و زارۆبوونێ دیارکر کو ژنێن دوگیان ئەوێن دوگیانیا وان د مەترسیێدا، ئانکو ھندەک ژنێن دوگیان یێن ھەین، نەخوشیەک یا ل گەل دوگیانیا خۆ ھەی وەکو نەخوشیا شەکرێ و فشارا خوینێ، یان گولچیسکێن وێ ددروست نیین یان ئێشەکا دلی یا ھەی یان پتر ژ پێنج زارۆیان یێن بووین، یان بەری نوکە نشتەرگەری یا بۆ ھاتیە کرن، یان گەلەک زارۆک یێن ژبەرچووین، ئەڤ نەخۆشە پێدڤیە سەرەدانا مە بکەن و ئەم فایلەکێ بۆ دروست دکەین و ھەیڤانە دکەڤنە ل ژێر چاڤدێریێ و ھەر دەمەکێ مە دیت پێدڤی ب پشکنینا و سونارێ بیت یان کاودانێن وێ گەلەک د ئالوز و باش نەبن و پێدڤی ب نڤاندنا نەخۆشخانێ ببیت ئەم دێ نڤینین و چاڤدێریا وێ کەین و ھەکە بۆ زارۆبوونێ ژی پێدڤی ب نوشداران بوو ئەم ھەر تشتەکێ پێدڤی دێ بۆ کەین.
د.ئەمەل عەبدولحەکیم گۆتژی: ئەو ژنێن نەخۆشیا شەکرێ ھەبیت دڤێت سێ ھەیڤان بەری ژڤانێ دوگیانیێ ئەم بێژینێ کو وێ پێدڤی ب چاڤدێریێ ھەیە، ژبەرکو پێدڤیە رێژا شەکرێ ل رادێ خۆ یێ سروشتی ب راوەستیت، چونکو نەخوشیا شەکرێ گەلەک کارتێکرنێ ل سەر رەوشا ژنێ دکەت و ب تایبەت ل ھەر سێ ھەیڤێن ئێکێ کو دبیتە ئەگەرێ پەیدابوونا کێماسیێن زکماکی، لەورا ئەم دنڤینین ھەتا شەکرا وێ دھێتە کونترولکرن و پاشی ئەم ژڤانێ سەرەدانا نوشداری بۆ دەستنیشان دکەین ل دووڤ پێدڤیا وێ.
ھەروەسان دیارکر ژی کو ھندەک ژن ھەنە نزانن دوگیانیا وێ د مەتسیێدایە و گۆت: پشتی ئەم سونارێ بۆ وان ژنان دگرین ئەم دزانین پێدڤی ب چاڤدێریێ ھەیە و ئەم ئاگەھداریا وان دکەین و پێگیریێ ژی ب ژڤانێن خۆ دکەن.
د.ئەمەل عەبدولحەکیم گۆتژی: راستە ل دەمێ دوگیانیێ گەلەگ گوھۆرین د لەشێ ژنێ دا پەیدادبن، بەلێ دوگیانی ب خۆ نەخوشی نینە، لێ پێدڤی ب چاڤدێریێ دبیت، و یێن مەترسیدار ئەون یێن نەخۆشیێن دومدرێژ ھەبن وەکو بەری نوکە مە گوتی. یان خوین بەربوون ھەبیت و گەلەک حالەتێن دیتر.
ھەروەسان دیارکر ھەکە ژن گرنگیێ بدەنە ڤێ پشکێ دێ گەلەک خزمەتا وان ھێتە کرن و مەترسی ل سەر وان نامینیت و گەلەک نەخۆش ھەنە د مەترسیدارن و چ ل رەوشا وێ نەھاتیە زانین و ل دەمێ دھێنە پشکا زارۆبوونێ نوشدار نزانیت دێ چ بۆ کەت، چونکو چ د دەستێ وێدا نینە و بەری نوکە پشکنین بۆ نەھاتینە کرن، چاڤێ خۆ نەدایە خو و ھەکە وێ فایلێ خۆ ھەبیت ھەموو تشت یێ تێدا نڤیسیە و نوشدارێ نوبەدار ل دووڤ وێ فایلێ دێ سەردەریێ د چارەسەریێ دا کەت، و ھەموو رەوشا وێ دێ زانیت و تێدا دھێتە نڤیسین کا نەخوشی پێدڤی ب چ ھەیە و گۆت: پتریا ژنێن ئاریشە ل گەل دوگیانیێ ھەبن، د ماوێ چلکان دا ژی پێدڤی ب چاڤدێریێ دبن و بۆ دوگیانیا پشتی ھینگی ژی پێدڤی ب چاڤدێریێ بیتەڤە و بەھرا پتر ژی گوھدارن، چونکو ھەکە وەسان نەبیت نەدوورە زارۆیێن خۆ ژدەست بدەن و ژیانا وێژی بکەڤیتە ل ژێر گەفان.
