ژههرا زنجیرێن دوبلاجكری..
سهرهرای وێ ئێكێ كو (دءبلاج) هونهرهكه دا هزر و رهوشتێ بهرامبهری من یێ بیانی بۆ من شرۆڤه بكهت، بهلێ ئهم وهك مللهتهكێ (خوهپارێز) مه فلكلۆر و دابونهریتێن خوه ههنه ناگونجن ل گهل زنجیرێن بیانی، چونكو د ڤان زنجیران دا چ بۆ مه دیار دكهت؟ (كوشتن، دزی، بێهوشكهر، مهیڤهخوارن، قومار، ژێكڤهبوونا خێزانێ و ئهوا ژ ههمیان پیستر لهشفرۆشی، باشه ئهم وهك كورد مه دیرۆكهك یا ههی ل گهل خوینێ و رۆندكان ل سهر رێیا ئازادیێ، ئهڤجا ئهڤ زنجیرێن بیانی چ مفا دگههیننه مه؟ بۆ میناك جیرانهك مه ژیێ وی شهش سالن، من گۆتێ تو بهرێ خوه ددهیه خهلهكا (تهكسی) گۆتی: ئهرێ و وهك بچیكهك من پرسیارا وی كر، باشه ته دڤێت تو ببیه كیژ ژ وان؟ گۆتی: ئهز سینانم، یێ فێلبازم و حیلا ل خهلكی دكهم. برایێ وی ژ وی مهزنتر ب سالهكێ، گۆتی: من دڤێت ببمه (مافیا) و دهستێ خوه هاڤێته كهمهرا خوه و دهبانجهكا (لهیستۆك) ئینا دهر و گۆتی: ئهڤه چهكێ منه.
ل ڤێرێ زهنگلهكا مهترسیێ بۆ من هاته لێدان، ئهرێ ههكه ئهڤه وه بێژن پا كچێن ل ژیێ وان دێ خهونان ب چ ڤه بینن؟
یا باش ئهوه ل شوونا ڤان زنجیران هندهك سناریۆیێن ب مفاتر یێن پێدڤی بۆ مه بهێنه دوبلاژ كرن، وهك: (یێن زانستی، گرێدای دیرۆكا مه، سهلاحهدین ئهیۆبی، مستر بین و گهلهك بهرههمێن دی یێن هونهری یێن ب مفا یێن ههیین، لێ ئهز دبێژم بلا وهزارهتا رهوشهنبیری و وهزارهتا ئهوقافێ و دهزگههێن حزبی یێن كوردی ل سهر خێزانا كوردی براوهستن. (ناپلیۆن پۆناپهرت) دبێژیت: (دهیكهكا باش بده من، مللهتهكێ باش دێ دهمه ته).
ههروهسا هۆزانڤانێ عهرهب (حافز ئیبراهیم) گۆتی: (الام مدرسه).
ل دووماهیێ دێ ئینمه بیرا ههوه بهری چهندین سالان دیسا زنجیرهكا بیانی ب ناڤێ (گوادا لوپێ) و ل خهلهكا دووماهیێ تێشكهك نهیێ شهرعی و نهیێ یاسایی بۆ پهیدا دبیت و بهرزه دبیت بهلێ دهمێ دیتین ئهو تێشك، ئاسمانێ دهۆكێ ببوو ئاگر هندی گولله هاڤێتن ل گهل دهنگێ تلیلیا و ههمیا دهستێ خوه بۆ خودێ بلند كرن و سوپاسیا وی كرن، چونكو ئهڤ تێشكێ نه شهرعی و نهیاسایی هاته دیتن.
ل ڤێرێ پسیارهك گرنگ دهێته كرن، ئهرێ چ جوداهی د ناڤبهرا داعشێ دا ههیه، ئهوێ ب ناڤێ ئیسلامێ كارێ خراب دكهت و ئهڤ زنجیره لایهنێ خراب یێ علمانیێ دیار دكهت، كا تیما وژدان و كا خهلۆ و جهلۆ و كا پهیمانگهه و كۆلیژێن هونهرێ جوان؟ كیژ باشتره رهوشتێ مه و رهوشه بیرنامه یا رهسهن؟ یان ئهڤ تشتێن خراب؟ بلا نیشا بهرهبابێن داعاتی بدهن كو مللهتێ مه خوهدی رهوشتێ پێشمهرگهیه چونكو ئهو ناسناما مهیه.
