ژڤانێ به‌لاڤكرنا پارێ چاڤدێرێن سه‌ر سندۆقێن هه‌لبژارتنان هاته دیاركرن
ئه‌ڤرۆ:
ژڤانێ به‌لاڤكرنا پارێ چاڤدێرێن سه‌ر سندۆقێن هه‌لبژارتنێن جڤاتا نوونه‌رێن ئیراقێ، كو ل 10/10 2021 هاتبوونه كرن، هاته دیاركرن.
خالد عه‌باس، سه‌رۆكێ لقێ دهۆكێ یێ كۆمسیۆنا بلندا سه‌ربخوه یا هه‌لبژارتنان ل ئیراقێ دوهی 3/4/2022 د كۆنگره‌كێ رۆژنامه‌ڤانی دا دیار كر، بڕیاره ل ڤان رۆژان چه‌كێ پاره‌یێ فه‌رمانبه‌رێن ل سه‌ر سندۆقێن هه‌لبژارتنێن جڤاتا نوونه‌رێن ئیراقێ بگه‌هیته هه‌رێما كوردستانێ و گۆت: “هه‌ر ده‌مێ پارێ وان گه‌شت، ئه‌م دێ بزاڤێ كه‌ین به‌ری جه‌ژنا ره‌مه‌زانێ ل سه‌ر وان چاڤدێران به‌لاڤ بكه‌ین”.
وه‌كو دیار ئه‌ڤه نێزیكی شه‌ش هه‌یڤانه، هه‌لبژارتنێن جڤاتا نوونه‌رێن ئیراقێ هاتینه كرن و هه‌تا نوكه ئه‌و چاڤدێرێن ل سه‌ر سندۆقان ل رۆژا ده‌نگدانێ پارێ خوه وه‌رنه‌گرتیه.
