ژڤانێ مۆندیالا 2026ێ هاتە دیار كرن و 48 هەلبژارتی دێ پشكداربن
سەرۆكێ فیدراسیۆنا فوتبۆلا جیهانێ فیفا دیار كر ب فەرمی بڕیار هاتە دان هەرسێ وەلاتێن كەنەدا، مەكسیك و نەتەوەیێن ئێگرتییا ئەمریكا مێڤاندارییا مەزنترین قارەمانی لسەر ئاستێ هەلبژارتیێن جیهانێ بكەن و ژڤانێ وێ ژی دێ ل 11 خزیرانا سالا 2026ێ هێتە كرن.
غیانی ئینفانتینۆ بۆ دەزگەهێن راگەهاندنێ گۆت: هەڤڕكیێن قارەمانیێ دێ ل 16 باژێرێن جودا ل وەلاتێن كەنەدا، مەكسیك و نەتەوەیێن ئێگرتیێن ئەمریكا بیت كوب ۆ جارا ئێكێ یە هژمارەیا پشكداران زێدەبیت ژ 32 هەلبژارتییان بۆ 48 هەلبژارتیان، دێ یاریگەها ئازتیكا ل مەكسیكۆ ستی ڤەكرنا قارەمانیێ بیت و یاریگەها میتلایف ل باژێرێ نیۆیۆرك ل نیۆجێرسی دێ مێڤاندارییا یارییا دووماهییا مۆندیالا 2026ێ كەت و دیاركر بۆ دانانا ژڤانێ هەر یاریەكێ دێ ل دووڤ سەقایێ وی باژێری بیت و هێشتا ئەو بابەتە ئێكلا نەبوویە و ئەڤچەندە ژی پشتی پشككێشانا قارەمانیێ بیت ئەوا دێ ل كانوونا ئێكێ یا سالا 2025ێ هێتە راگەهاندن.
