ژڤانێ نزمبوونا دۆلارى هاته دیاركرن
ئه‌ڤرۆ نیۆز، سالار دۆسكى:
ئه‌ندامه‌كێ لژنا دارایى ل په‌رله‌مانێ عیراقێ، ژڤانێ نزمبوونا بهایێ دۆلارى ل بازارێن عیراقێ و هه‌رێما كوردستانێ ئاشكراكر و دانپیدان ب وێ چه‌ندێ كر كو گرانبوونێ زیان گه‌هانده وه‌لاتیان.
حاكم سه‌رحان ئه‌حمه‌د، ئه‌ندامێ لژنا دارایى ل په‌رله‌مانێ عیراقێ، بۆ مالپه‌رێ ئه‌ڤرۆ گۆت: نوكه بانكا مه‌ركه‌زى ب ژڤانه رۆژانه هه‌تا 120 ملیۆنان، دۆلارى بفرۆشیت، ب مه‌ره‌ما نزمكرنا بهایێ دۆلارى.
سه‌رحانى ئاشكراكر كو لدووڤ زانیاریێن بده‌ست كه‌فتین ژ كه‌سانێن شاره‌زا و ئابوورى نیاس، هه‌كه عیراق زێده‌تر ژ 75 ملیۆن دۆلاران رۆژانه دۆلارى نه‌فرۆشیت، دێ دینارێ عیراقى ب بها كه‌ڤیت، وه‌ك وه‌لاتێن ئوردن و لوبنان كو چه‌ندین ساله دۆلار به‌رامبه‌ر پارێ وان یێ سه‌قامگیره.
ناڤبرى ئاشكراكر كو ب زێده‌كرنا دۆلارى ل بازارى ژ ئالیێ به‌نكا مه‌ركه‌زى ڤه دێ دۆلار هێته خوار، گۆت: هه‌تا دووماهى ڤێ هه‌یڤێ دێ بهایێ دۆلارى وه‌ك پێشتر زڤریت و 100$ به‌رامبه‌ر 123 هزار دینارێ عیراقى
