ژڤانێ ياريێن خولا نايابا كوردستانێ هاتنه گوهۆڕين
ئەڤرۆ:
ئێکەتیا تەپا پێ یا ناڤەندی ل ھەرێما کوردستانێ ل سەر داخوازیا یانا دھۆک رازی بوو یاریێن گەرا دووماھیا خولێ بۆ رۆژەکێ بھێنە پێشخستن کو ل شوونا رۆژا پێنج شەمبیا بھێت دێ ل رۆژا چارشەمبیێ ل دەمژمێر چار و نیڤ ئێڤاری ھەمی یاری ھێنە ئەنجامدان.
د ڤی دەبارەی دا سەلام حسێن سکرتێرێ ئێکەتیا تەپا پێ یا کوردستانێ د داخویانیەکا تایبەت دا بۆ رۆژناما ئەڤرۆ گۆت: ئێکەتیا تەپا پێ ل سەر داخوازیا یانا دھۆک رازیبوو کو ھەمی یاریێن خولا ھەرێما کوردستانێ دێ ل رۆژا چارشەمبیا بھێت ل دەمژمێر چار و نیڤی ئێڤاری یێن یانێن پلا نایاب ھێنەکرن ل شوونا رۆژا پێنج شەمبی ژ بەرکو ل رۆژا دووڤ دا ژڤانێ یانا دھۆکێ یە ل فروکخانا ھەولێرێ بەر ب بەسرا بچیت بۆ ئەنجامدانا یاریا خوە د خولا عیراقێ یا تەپا پێ دا.
ناڤبری ئەو چەندە ژی دیارکر کو دھۆک نوونەرا ھەرێما کوردستانێ یە د قوناغا بژارە یا خولا عیراقێ لەورا ئێکەتیا تەپا پێ یا ھەرێمێ ب فەر دیت زێدەتر پشتەڤانی و ھاریکاریا یانا دھۆک بکەت، داکو بشێت یاریێن خوە ب سەرکەفتیانە د ھەردو خولێن ھەرێمێ و عیراقێ دا بکەت و چو کێشە بۆ پەیدانەبن.
بۆ زانین تیما تەپا پێ یانا دھۆک دێ یاریا خوە یا دویێ ژ خولا ھەرێما کوردستانێ بەرامبەر یانا کەرکووک کەت ل یاریگەھا یا دویێ، د خولا بژارە یا عیراقێ ژی دا ل رۆژا شەمبیا بھێت بەرامبەر نەفت جنوب ل بەسرا ئەنجامدەت.
