ژڤانێ گه‌هشتنا Galaxy S25 Ultra هاته راگه‌هاندن
ل نێزیك دێ پێشه‌نگا مۆبایلێن سامسۆنگ ل به‌ر ده‌ست بیت كو هه‌ر ئێك ژSamsung Galaxy S25 وGalaxy S25 و Galaxy S25 Ultra. ب خوه ڤه دگریت، ڤێ جارێ نه ده‌نگۆیه یان نووچه‌یه‌كێ هاتیه دزینه، ڤێ جارێ كۆمپانیا كوری ب خوه بانگه‌شه‌یا ژڤانێ وێ كر و د به‌یاننامه‌كێ دا ب فه‌رمی رۆژا Unpacked راگه‌هاند.
هه‌ر وه‌كو د به‌یانناما خوه یا فه‌رمی دا راگه‌هاندی، دهێته چاڤه‌رێكرن هه‌ر ئێك ژSamsung Galaxy S25 وGalaxy S25 و Galaxy S25 Ultra. ل 22ی ڤێ هه‌یڤێ بهێته راگه‌هاندن و ب ڤێ چه‌ندێ ژی بڕیاره ل 22ی ڤێ هه‌یڤێ ناڤ نڤیسین بۆ تۆماركرنا پێشوه‌خت یا مۆبایلێن وان ده‌ست پێ بكه‌ت.
یا به‌رچاڤه كو هێزا هه‌ر ئێك ژSamsung Galaxy S25 و Galaxy S25 و Galaxy S25 Ultra. یا گه‌ره‌نتی كریه كو ب باشترین كوالێتی بۆ بكارئینه‌ری دهێنه دروستكرن. هه‌ر وه‌كو د راگه‌هاندنا وان ژی دا هاتیه دیاركرن د ڤان مۆبایلان دا، زیره‌كیا ده‌ستكرد دێ قاره‌مانا سه‌ره‌كی یا Galaxy Unpacked بیت.
یا ئاشكه‌رایه كو كۆمپانیا سامسۆنگ هه‌موو شیانێن خوه یێن داینه كار دا ئه‌ڤ نفشێ نوو یێ Galaxy S ب باشترین ره‌نگ بێخیته به‌ر ده‌ستێن بكارئینه‌ری.
هه‌تا نها كۆمپانیا سامسۆنگ هه‌ڤریكا مۆبایلێن ئایفۆن دكر، به‌لێ نها شه‌ره‌كێ نوو یێ ده‌ستپێكری د ناڤبه‌را هه‌ر ئێك ژ Galaxy AI وApple Intelligence. ب تایبه‌ت كو كۆمپانیا كوری دزانیت ل ئیلۆنا ئه‌ڤ ساله دێ كۆمپانیا ئه‌پل مۆبایلا خوه یا ئایفۆن 17 ب هه‌موو شیانێن زیره‌كیا ده‌ستكرد به‌رچاڤ كه‌ت.
ژ به‌ر كو كۆمپانیا ئه‌پل ده‌مه‌كێ زێده‌تر ل به‌ر ده‌سته هه‌تا مۆبایلا خوه ب راگه‌هینیت و پتر خزمه‌تێن زیره‌كیا ده‌ستكرد پێش بێخیت، دهێته چاڤه‌رێكرن كۆمپانیا كوری زیره‌كیا ده‌ستكرد ب ره‌نگه‌كه‌كێ گه‌له‌ك به‌رفره‌هتر ژ هه‌ر ده‌مه‌كێ بوری بكار بینیت.
