ژڤانێ ھەلبژارتنێن جڤاتێن پارێزگەھان ھاتە دیارکرن
ئەڤرۆ نیوز:
جێگرێ ئێکێ یێ سەروکێ پەرلەمانێ عیراقێ ژڤانێ ھەلبژارتنێن جڤاتێن پارێزگەھان ل عیراقێ دیارکر.
زێدەتر حەسەن کەعبی ئەڤرۆ رۆژا ئێکشەمبی ١٣-١-٢٠١٩ دیارکر پشتی کومبونا لژنا قانوونی یا پەرلەمانێ عیراقێ دگەل کومسیونا بلند یا سەربەخویا ھەلبژارتنان ل عیراقێ بریار ھاتەدان ل رۆژا ١٦-١١-٢٠١٩ بھێتە دەستنیشان کرن بۆ ئەنجامدانا ھەلبژارتنێن جڤاتێن پارێزگەھێن عیراقێ و پێدڤیە حوکمەتا نوو یا عیراقێ ژی ھەموو بەرھەڤیان بکەت بۆ ئەنجامدانا ڤان ھەلبژارتنان.
ھەژی گۆتنێ یە ئەڤ ھەلبژارتنە تنێ دێ بۆ پارێزگەھێن عیراقێ بیت ژبلی پارێزگەھێن ھەرێما کوردستانێ.
