ژڤانێ یاریێن دووماهیا چامپیونزلیگ و یوروپالیگ هاتنه دیاركرن
ئه‌ڤرۆ نیوز، زنار:
ئێكه‌تیا ته‌پا پێ یا ئوروپى یوێفا ئه‌ڤرۆ رۆژا سێشه‌مبى ژڤانێ یاریا دووماهیا هه‌ردو قاره‌مانیێن یوروپا لیگ و چامپیونزلیگ 2020،2019 دیاركر.
نوكه هه‌ڤركیێن هه‌ردو قاره‌مانیێن چامپیونزلیگێ و یوروپالیگ ژ ئه‌گه‌رێ به‌لاڤبوونا ڤایروسێ كورونا هاتیه راگرتن كو بریاربوو ل دووماهیا هه‌یڤا ئه‌یارا ئه‌ڤ ساله بهێته كرن لێ د كومبوونا خوه یا ئه‌ڤرۆ دا یوێفایێ بریار دا یاریا دوماهیا یوروپالیگ ل 24 هه‌یڤا حوزه‌یرانا ئه‌ڤ ساله بهێته كرن و یا چامپیونزلیگێ ژى پشتى وێ ب سێ رۆژان ئانكو ل 27 هه‌مان هه‌یڤ بهێته كرن.
ئه‌ڤ بریاره هاته پێش داكو هه‌موو یانه یاریێن خوه یێن خولێن ئوروپى ئه‌وێن هاتینه پاشخستن بكه‌ن و قاره‌مانیا ئوروپا ژى هاته پاشخستن هه‌ر بۆ ڤێ مه‌ره‌مێ داكو كارتێكرن ل خولێن ئوروپى نه‌كه‌ت.
