ژیانا خوە بۆ خزمەتكرنا پەرستگەها لالش تەرخانكریە
دلڤین رەشید:
سترانبێژ و خلمەتكار (مەروان عەلوبی) د دیدارەكێ دا بۆ رۆژناما ئەڤرۆ دیاركر كو ئەو خەلكێ دەڤەرا بەحزانێ یە، ئەڤە بۆ دەمەكی درێژە وەك خلمەتكار ل پەرستگەها لالش كار دكەت، ب دەنگێ خوە یێ خۆش شیایە سەرنجا سەرەدانكەرێن پەرستگەها لالش بكێشیت، ژبلی هندی ب رێیا چێكرنا قەهوەیەكا تایبەت خزمەتا خەلكی و مێهڤانان دكەت.
ناڤهاتی گۆت: ئەڤە بۆ دەمەكی درێژە من ژیانا خوە بۆ خزمەتكرنا پەرستگەها لالش تەرخانكریە، ل دەمێ جەژن و هەلكەفتان ئەز قەهوێ چێدكەم و پێشكێشكی خەلكێ دكەم، ئەڤێ قەهوێ تایبەتمەندیا خوە هەیە، چونكی شێوازێ چێكرنا وێ یێ جودایە و تامەكا تایبەت هەیە، ئەڤ چەندە ژی ژ باب و باپیران بۆ مە مایە و ژبەركو دڤێت ل هندەك هەلكەفتێن ئولی و جفاكی یێن ئێزدیان دڤێت ئەڤ جۆرێ قەهوێ بهێتە چێكرن و پێشكێشكرن ژبۆ كەسێن ئامادەبووی و پەرستگەها لالش ژبۆ من جهەیەكی تایبەتە كو بشێم لێ ئارامببم، چنكو تاكە پەرستگەها ئێزدیانە ل سەر ئاستێ جیهانێ خەلك ژ هەموو دەڤەر و وەلاتان سەرە دانا ڤی جهێ پێرۆز دكەن، ئەم ژی وەك خلمەتكار خزمەتێن جوان پێشكێشی سەرەدانكەرێن ڤێ پەرستگەهێ دكەین.
