ژیانا وی ل گه‌ل مۆزیك و سترانێ یه
ئاكرێ، ره‌مه‌زان زه‌كه‌ریا:
سترانبێژ (كاروان خالد) د دیداره‌كێ دا بۆ رۆژناما ئه‌ڤرۆ دیاركر كو به‌ری چه‌نده‌كی وی سترانه‌ك ب ناڤێ (ئه‌وین) به‌لاڤكریه، ئه‌و ستران ژ په‌یڤ و ئاوازێن وی بوو، هنده‌ك كار ل هه‌رێما كوردستانێ و هنده‌ك ژی ل ته‌هران بۆ كریه و نوكه یێ خوه به‌رهه‌ڤ دكه‌ت دا هنده‌ك ستران و كلیپێن دی چێكه‌ت.
كاروانی گۆت: ژبه‌ركو ئه‌ز و هونه‌ر بووینه نێزیكترین هه‌ڤال و نوكه بووینه پشكه‌كا سه‌ره‌كی د ژیانا مندا، له‌ورا دێ یێ به‌رده‌وام ل سه‌ر گۆتنا سترانان هه‌روه‌سا دانانا په‌یڤ و ئاوازان و نوكه ل گه‌ل كومه‌كا هه‌ڤالان به‌رهه‌ڤیا دكه‌ین بۆ چێكرنا ڤیدیۆ كلیپه‌كا نوو، چنكو ژیانا من هه‌ر ل گه‌ل مۆزیك و سترانان دبۆریت.
