ژیانناما (26) سترانبێژان كریە پرتووك
نەوزاد هلۆری:
ب مەرەما پاراستنا ناسنامە و بنیاتێ رەسەنێ سترانێن فۆلكلۆری یێن دەڤەرا شنگارێ، نڤیسەرەكی ژیانناما (26) سترانبێژێن فولكلۆری یێن وێ دەڤەرێ كریە پرتووك و ل چەند رۆژێن بهێت دێ كەڤیتە بەر دەستێن خواندەڤانان.
مەروان داود، نڤیسەرێ وێ پرتووكێ بۆ رۆژناما ئەڤرۆ گۆت: ئاوازێن هێژیران نووترین پرتووكا منە، بەرهەمێ كەد و زەحمەتا من یا زێدەتر ژ سالەكێ یە، ژیانناما چەندین سترانبێژێن وەغەركری هاتیە نڤیسین، بۆ جارا ئێكێ یە پرتووكەكا بڤی رەنگی تێرو تەسەل دهێتە چاپكرن، ژ (128) بەرپەران پێك دهێت، مەرەم ژ ڤێ پرتووكێ ئەوە ژیاننامە و بەرهەمێن وان سترانبێژان نەهێتە بەرزەكرن، هەروەسا ببیتە ژێدەرەك بۆ وەرگرتنا پتر پێزانین ل دۆر وان سترانبێژان.
