ژیوارێ هیڤیان
هاڤین عومه‌ر
ئه‌ی هیڤیێن من یێن سێوی
هه‌وه د هه‌مێزا كیژ ئومێدێ دا ڤه‌شێرم
داكو كێلبێن كوژه‌ك یێن ئه‌ڤی وه‌لاتی
نه‌گه‌هنه ڕۆحا هه‌وه یا ژ دایك نه‌بووی
چاوا بۆ بشكڤینا هه‌وه بگڕنژم
و ببینم د ناڤ جه‌رگێ ڤی وه‌لاتی دا
زه‌نگین یێن دبن ئه‌ورێن ڕه‌ش
و بارانێ ژ چاڤێ هه‌ژاران دئینن
داكو ببنه فریشته و ڕۆندكێن وان ڤه‌مالن
چاوا هیڤیێن من گه‌شبن و ببینم
هیڤیێن كچێن ئه‌ڤی جڤاكی
یێن ب كێلبێن داب و نه‌ریتان ڤه
چاوا بۆ به‌خته‌وه‌ریێ بگرنژم و ببینم
به‌خته‌وه‌ریا گه‌نجان یا بوویه سه‌خته‌یه‌ك
و ل سه‌ر لێڤێن بێزاریێ دگرنژیت
چاوا دێ شێم بژیم و ببینم
ژیان د ئه‌ڤی وه‌لاتی دا یا بوویه مرنه‌ك
و ڕۆژانه ژ دایك دبیت
25/8/2019
