ژێدەرێن دارایی یێن ھەرێمێ تێرا مووچەیان ناکەت
ئەڤرۆ نيوز:
جێگرێ سەرۆکێ لژنا وزە و ژێدەرێن سروشتی ل پەرلەمانێ کوردستانێ رەت دکەت کو پارتی رێک ل دابەشکرنا مووچە و ڤەگەراندنا داھاتێ پترۆلێ کر بیت و ئەو چەندە ژی دیارکر چ لایەنەکێ سیاسی حەز ناکەت مووچە پاشکەڤیت چونکو ب وی ئەگەری دێ سزایی وەرگریت .
دلشاد شەعبان جێگرێ سەرۆکێ لژنا وزە و ژێدەرێن سروشتی ل پەرلمانێ کوردستانێ راگەھاند: ژ نھا پێدا ھەر پشکەکا پارەیی رەوانەی ھەرێمێ بھێتە کرن راستەوخو دچیتە بن دەسەلاتا وەزارەتا دارایی بتنێ ئەو وەزارەت دشێن داخویانیا ل سەر موچەی و گەھشتنا داھاتێ پترۆلا ھەرێمێ بدەت.
جێگرێ سەرۆکێ لژنا وزە و ژێدەرێن سروشتی ل پەرلمانێ کوردستانێ راگەھاند بەری چەژنێ ب ئەگەرێ دروست بوونا فشارا ھێزێن پێشمەرگەی دووڤچوون بۆ پارەیێ ھەیڤا حەفت یا وەزارەتا پێشمەرگە کر ژ نھا پێدا پارە د چیتە سەر حسابا وەزارەتا دارای و چ پەیوەندیەک ب وەزارەتا سامانێن سروشتی ڤە نەمایە و دەربارێ تومەتبارکرنا پارتی کو رێک ل دابەشکرنا مووچەی و ڤەگەراندنا داھاتێ پترۆلێ کریە دلشاد شەعبانی گۆت: پارتی وەک ھەر جزبێن دی فەرمانبەر و کادرێ خو ھەیە و دێ چەوا ڤێت مووچەی پاش بێخیت و تەئکید دکەت کو چ لایەنەکێ سیاسی حەزناکەت مووچە پاش کەڤیت چونکو ب وی ئەگەری سزای وەر گریت.
جێگرێ سەرۆکێ لژنا وزە و ژێدەرێن سروشتی ئاشکەراکر ئەو ژێدەرێن دارایی ل دەستێ ھەرێمێ دا تێرا موچەیێ ھەیڤانە یێ فەرمانبەرێن ھەرێمێ کو ب شێوەیەکێ لەز بھێتەپارڤەکرن ناکەت،ب ئەگەرێ شەرێ داعش و داکەتنا بھایێ پترۆلێ ل بازارێن جیھانێ ئەگەرێ سەرەکی بوون بو ئەڤێ ئاریشەیێ.
