ژێدەرێن سروشتی یێن کریاتینی

گەلەک جارا کریاتین وەکو تەمامکەرێ خوارنێ بۆ وەرزشڤانان ب کاردهێت، ئەڤەژی بۆ بلندکرنا هێزێ و شیانێن ماسوولکان و باشترکرنا شیانێن کارکرنا وان ل دەمێ راهێنانێن دژوار دا ب تایبەت بلندکرنا سەنگان.
کۆمەلا نێڤدەوڵەتیی یا نۆشداریا وەرزشی د راپۆرتەکڕدا دەربارەی کریاتینی ئاماژە ب ڤان مفایێن خوارێ دکەت؛
– بهێزکرنا هەستیان.
– زێدەکرنا شیانا بۆ بلندکرنا سەنگێن زێدەتر.
– زێدەکرنا گەشێ و بهێزییا ماسوولکان.
– باشترکرنا شیاندنا ماسوولکان و زووچاکبوونا برینان.
– بهێزکرنا خانەیێن مێشکی و باشترکرنا هزرکرنێ.
– دژەهەوکرن.
– هاریکاریا دابەزاندنا رێژەیا چەوریێن زیانبەخشێن خوینێ.
کۆمەلە پێشنیاز دکەت، رۆژانە هەتا 30 گرامێن کریاتینی ئاساییە بهێنە خوارن و سلامەتە، بەلێ بۆ کەسەکێ ئاسایی باشترە رۆژانە ب کێماتی سێ بۆ پێنج گرامێن کریاتینی بخۆت.
کاریگەریێن لاوەکی یێن خوارنا تەمامکەرێن خوارنا کریاتینی کو رەنگە رووبدەن؛ (تێکچوونا ماسوولکا، عێلنجی، زکچوون، گێژبوون، هشکبوونا لەشی، ئێشانا مەعیدێ، هەستیاری، تا و زێدەبوونا کێشێ).
کریاتین دڤان خوارنان دا هەیە
– شیر
– ماسی
– خوارنێن دەریای
– گۆشتێ سپی و سوور
– هێک
– گویز
– سپێناخ

کۆمێنتا تە