ژەنینا ئۆرگێ یا ب زەحمەت نینە
بێوار حەمدی:
مۆزیكژەن (ئەیاز ئەیۆب) كو ب ئەیاز نهێلی یێ بەرنیاسە، د دیدارەكێ دا بۆ رۆژنامەیا ئەڤرۆ گۆت: لسالا 2006 من دەست ب ژەنینا ئۆرگێ كریە و بتنێ ڤی ئامیرەی دژەنم و هەتا نوكە من بۆ هژمارەكا زۆرا سترانبێژان ئۆرگ ژەنینە، هەروەسا ئەز سەرپەرشتێ گرۆپێ مۆزیكێ مە ل ناڤەندا وەرزش و لاوان ل پارێزگەها دهۆكێ و مە پشكداری د هژمارەكا هەلكەفت و چالاكیێن خیرخوازی دا كریە.
هەروەسا گۆت: هەكە مرۆڤی حەز ل سەر مۆزیكێ هەبیت ژەنینا ئۆرگێ یا ب زەحمەت نینە، چنكو هونەر بەهرەیەكە خودێ ددەتە مرۆڤی، لێ مخابن هەتا نوكە ل دەف مە مۆزیكژەن نەشێت ب هیڤیا مۆزیكێ ڤە بژیت.
